पोखरा यति एयर दुर्घटना अपडेट: अहिलेसम्म ३२ जनाको शव निकालियो

समाचार

गृहपृष्ठ
समाचार
पोखरा यति एयर दुर्घटना अपडेट: अहिलेसम्म ३२ जनाको शव निकालियो

पोखरा यति एयर दुर्घटना अपडेट: अहिलेसम्म ३२ जनाको शव निकालियो

आइतबार, माघ १, २०७९ बागेश्वरी पोस्ट

नेपालगन्ज। आज बिहान १०:२५ बजे काठमाडौंबाट पोखरा उडेको यती एयरलाइन्सको ९ एएनसी एटीआर ७२ जहाज पोखरामा दुरंघटनाग्रस्त हुँदा ३२ जनाको मृत्यु भएको छ।

कास्कीका प्रमुख जिल्ला अधिकारी टेकबहादुर केसीले दिएको जानकारीअनुसार अहिलेसम्म ३२ जनाको शव निकालिएको छ।

‘कोही जिवित भेटिने हुने सम्भावना छैन,’ उनले भने,‘हामी शवहरू निकाल्दै छौं।’

जिल्ला प्रहरी प्रमुख अजय केसीका अनुसार पौने १२ बजेसम्म जहाजमा लागेको आगो निभाउन सकिएको छैन। जहाज पोखरा विमानस्थलबाट २ किलोमीटर टाढा सेती नदीको खोचमा खसेर दुर्घटना भएको हो।

जहाजमा ६८ जना यात्रुसहित ४ जना चालक दलका सदस्यहरु सवार थिए। अहिले सेना,प्रहरी र सशस्त्र प्रहरीले जहाजमा लागेको आगो निभाउने कार्य भइरहेको छ। आज दुर्घटनाग्रस्त जहाज पुस ७ गते पहिलो पटक पोखरा अन्तर्राष्ट्रिय विमानस्थलमा अवतरण गरेको थियो।

प्रकाशित मिति: आइतबार, माघ १, २०७९ १२:१६