प्रेस युनियन लुम्बिनी प्रदेशको प्रथम अधिवेशन दाङमा सुरु

समाचार

गृहपृष्ठ
समाचार
प्रेस युनियन लुम्बिनी प्रदेशको प्रथम अधिवेशन दाङमा सुरु

प्रेस युनियन लुम्बिनी प्रदेशको प्रथम अधिवेशन दाङमा सुरु

बिहीबार, माघ ५, २०७९ बागेश्वरी पोस्ट

नेपालगन्ज । नेपाल प्रेस युनियन लुम्बिनी प्रदेशको प्रथम अधिवेशन दाङको घोराहीमा सुरु भएको छ । अधिवेशनको उद्घाटन नेपाली कांग्रेस लुम्बिनी प्रदेशका सभापति अमरसिंह पुनले गरेका छन् ।

नेपाल प्रेस युनियनका उपाध्यक्ष माधव अर्यालको सभापतित्वमा जारी उद्घाटन सत्रमा अतिथिहरुले शुभकामना मन्तव्य राख्ने क्रम जारी छ । नेपाल प्रेस युनियन दाङ शाखाको आतिथ्यतामा भएको अधिवेशनले लुम्बिनी प्रदेशस्तरमा पहिलो कार्यसमिति चयन गर्नेछ ।

अधिवेशन उद्घाटन कार्यक्रममा नेपाल प्रेस युनियनका केन्द्रीय अध्यक्ष शिव लम्साल, वरिष्ठ उपाध्यक्ष प्रेम केसी, महासचिव दिलिप पौडेल लगायत पदाधिकारी र केन्द्रीय समिति सदस्यहरु, कांग्रेस लुम्बिनी प्रदेश उपसभापति राजु खनाल, कांग्रेस दाङका सभापति शंकरप्रसाद डाँगी लगायत उपस्थित छन् ।

प्रकाशित मिति: बिहीबार, माघ ५, २०७९ ११:२२

प्रतिक्रिया दिनुहोस्