नेपाल ट्रेड युनियन काँग्रेसद्वारा रौनियार प्यानलसँग भेटघाट

राजनीति

गृहपृष्ठ
राजनीति
नेपाल ट्रेड युनियन काँग्रेसद्वारा रौनियार प्यानलसँग भेटघाट

नेपाल ट्रेड युनियन काँग्रेसद्वारा रौनियार प्यानलसँग भेटघाट

बिहीबार, माघ २, २०७६ बागेश्वरी पोस्ट

नेपालगञ्ज । नेपाल ट्रेड युनियन काँग्रेसले नेपालगन्ज उद्योग बाणिज्य संघको निर्वाचनमा ललितकुमार रौनियार नेतृत्वको साझा प्रजातान्त्रिक उद्योगी व्यवसायी समूहका उम्मेदवारहरुसँग विहीबार भेटघाट तथा परिचयात्मक कार्यक्रम गरेको छ ।

पार्टी कार्यालयमा आयोजित उम्मेदवार भेटघाट तथा परिचयात्मक कार्यक्रममा टे«ड युनियले रौनियार नेतृत्वको प्यानललाई जिताउन अपिल गरेको छ । साझा प्रजातान्त्रिक उद्योगी व्यवसायी समूहका उम्मेदवार परिपक्व, व्यवसायीका सवाल बुझेको अब्बल र सक्षम भएकाले रौनियार नेतृत्वको प्यानललाई जिताउन टे«ड युनियन काँग्रेस बाँकेका अध्यक्ष रामबहादुर मल्लले आग्रह गर्नुभयो ।

नेपालगन्ज पश्चिम नेपालकै औद्योगिक क्षेत्र भएकाले यसको विकासका लागि सक्षम नेतृत्व जरुरी रहेको भन्दै उहाँले त्यसका लागि रौनियार नेतृत्वको विकल्प नभएको मल्लको भनाई छ । कार्यक्रममा बोल्दै नेपाली काँग्रेस बाँकेका उपसभापति सुनिल नरसिंह राणाले रौनियार प्यानललाई जितको शुभकामना दिदै संघको गरिमालाई माथि उकास्ने र आम उद्योगी व्यवसायीको मुद्दामा नेतृत्वदायी भूमिका खेल्न सुझाव दिनुभयो ।

कार्यक्रममा बोल्दै साझा प्रजातान्त्रिक उद्योगी व्यवसायी समूहबाट अध्यक्ष पदका उम्मेदवार ललितकुमार रौनियारले आफ्नो समूह विजयी भए संघलाई सबैको साझा बनाइने प्रतिबद्धता जनाउनुभयो । ३० बर्षदेखि आफुले नेपालगन्जमा व्यवसाय गर्दै आएको र संघमा समेत विभिन्न तह तप्कामा रहेर जिम्मेवारी निभाइसकेकाले यहाँको व्यवसायीक सवाल राम्रोसँग बुझेको बताउनुभयो । कार्यक्रमको सहजिकरण ट्रेड युनियन काँग्रेसका सचिव तोजेन्द्र विकले गर्नुभएको छ ।

साझा प्रजातान्त्रिक उद्योगी व्यवसायी समूहले उद्योग उपाध्यक्षमा तपेन्द्र विक्रम शाह र बाणिज्य उपाध्यक्षमा अमित बस्नेतलाई अघि सारेको छ । यस्तै अजय कुमार टण्डन, सुुनिल सिंघल, बिन्दु चर्तीमगर, टेकबहादुर खड्का, बदरुदिन अन्सारी, बिष्णु प्रसाद श्रेष्ठ, टंक प्रसाद शर्मा, मख्खन बहादुर धामी, सन्तोष कुमार बैश्य, तेजनारायण कँडेल, दिपेन्द्र राज श्रेष्ठ र सुरेन्द्र सिंह सरदार सदस्य पदका उम्मेदवार रहनुभएको छ।

प्रकाशित मिति: बिहीबार, माघ २, २०७६ १६:३१

प्रतिक्रिया दिनुहोस्