तिर्थयात्री बोकेको भारतीय बस दुर्घटना हुँदा ४० बढी घाइते

समाचार

गृहपृष्ठ
समाचार
तिर्थयात्री बोकेको भारतीय बस दुर्घटना हुँदा ४० बढी घाइते

तिर्थयात्री बोकेको भारतीय बस दुर्घटना हुँदा ४० बढी घाइते

शनिबार, माघ ७, २०७९ बागेश्वरी पोस्ट

नेपालगन्ज । तिर्थयात्री बोकेको बस पल्टिँदा ४५ जना तिर्थयात्री घाइते भएका छन् । नवलपरासी पश्चिमको त्रिबेणी- महेशपुर भित्री हुलाकी सडक खण्डमा भारतीय तिर्थयात्रु बोकेको बस पल्टिँदा ४५ जना तिर्थालु घाइते भएका हुन् ।

पाल्हिनन्दन गाउँपालिका वडा नं १ रमपुरवास्थित झरही खोलाको भित्री सडक खण्डमा पवित्र धार्मिक स्थल त्रिबेणीधामबाट माघे कृष्ण औँसीका दिन तीर्थ स्नान गरि महेशपुर भन्सार नाकाबाट फर्किँदै गरेको युपी १६ एफटी ७४६६ भारतीय प्लेट नम्बर भएको बसको स्टेरिङ्ग फेल भई अनियन्त्रित भएर बाटोदेखि अन्दाजी १० मिटर तल घोलामा पल्टिँदा भारतीय तिर्थालुहरु घाइते भएका हुन् ।

बस पल्टिएको खबर पाउन साथ स्थानीय, नेपाल प्रहरी र सशस्त्र प्रहरीको टोली तत्काल पुगेर घाइते भएकाहरूको उद्धार गरी पृथ्वी चन्द्र जिल्ला अस्पताल एम्बुलेन्स मार्फत पुर्‍याएर उपचार भइरहेको जिल्ला प्रहरी कार्यालयका सूचना अधिकारी भोजराज पाण्डेले जानकारी दिएका छन् ।

घाइते मध्ये एक जनाको टाउकोमा गम्भीर चोट लागेकाले उनको अवस्था गम्भीर रहेको पाण्डेले जानकारी दिए । बसमा करिब ६०/६५ जना तीर्थयात्री सवार रहेको बताइएको छ । सामान्य घाइते भएकालाई गन्तव्य पठाइएको प्रहरीले जनाएको छ । अधिकांश घाइते भारत महाराजगन्ज जिल्लाको फरेन्दा र गोरखपुर कम्पियरगंजका रहेका छन् ।

प्रकाशित मिति: शनिबार, माघ ७, २०७९ १७:४३

प्रतिक्रिया दिनुहोस्