'रास्वपा' बाट अलग भएको उपसभामुख रानाको घोषणा

राजनीति

गृहपृष्ठ
राजनीति
'रास्वपा' बाट अलग भएको उपसभामुख रानाको घोषणा

'रास्वपा' बाट अलग भएको उपसभामुख रानाको घोषणा

सोमबार, माघ ९, २०७९ बागेश्वरी पोस्ट

नेपालगन्ज । राष्ट्रिय स्वतन्त्र पार्टी (रास्वपा) को भागमा परेर सत्ता साझेदार दलका तर्फबाट उपसभामुख बनेकी इन्दिरा राना मगरले पार्टीबाट अलग भएको घोषणा गरेकी छन् । उपसभामुख मगरले आज एक प्रेस विज्ञप्ति जारी गर्दै रास्वपाको सम्पूर्ण जिम्मेवारीबाट अलग भएको घोषणा गरेकी हुन् ।

'प्रतिनिधिसभाको उपसभामुख पदको भूमिकालाई स्वतन्त्र, निष्पक्ष, मर्यादित तथा विश्वसनीय बनाउनका लागि उपसभामुख पदमा रहुन्जेल म आबद्ध रहेको राष्ट्रिय स्वतन्त्र पार्टीको सम्पूर्ण राजनीतिक तथा सांगठनिक जिम्मेवारीबाट अलग भएको घोषणा गर्दछु,' रानाद्वारा जारी विज्ञप्तिमा उल्लेख छ ।

माघ ७ गते राना प्रतिनिधिसभाको उपसभामुखमा निर्वाचित हुँदा कुल उपस्थित २ सय ६४ सांसद मध्ये रानाको पक्षमा १ सय ६६ मत प्राप्त भएको थियो ।

प्रकाशित मिति: सोमबार, माघ ९, २०७९ ०९:४६