नागरिकता विवादमा मुछिएका गृहमन्त्री लामिछानेको सर्वोच्चमा सुनुवाइ सुरु

राजनीति

गृहपृष्ठ
राजनीति
नागरिकता विवादमा मुछिएका गृहमन्त्री लामिछानेको सर्वोच्चमा सुनुवाइ सुरु

नागरिकता विवादमा मुछिएका गृहमन्त्री लामिछानेको सर्वोच्चमा सुनुवाइ सुरु

शुक्रबार, माघ १३, २०७९ बागेश्वरी पोस्ट

नेपालगन्ज । उपप्रधान तथा गृहमन्त्री रवि लामिछानेको नागरिकता विवादबारे सर्वोच्च अदालतको संवैधानिक इजलासमा सुनुवाइ सुरु भएको छ ।

यसअघि बुधार इजलासमा एकजना न्यायाधीश हेरफेर गरेर सुनुवाइलाई निरन्तरता दिइएको थियो । न्यायाधीश विश्वम्भरप्रसाद श्रेष्ठ अहिले संवैधानिक इजलासमा छन् भने प्रकाशमानसिंह राउत हटेका छन् ।कामु प्रधानन्यायाधीश हरिकृष्ण कार्की, न्यायाधीश विश्वभरप्रसाद श्रेष्ठ, ईश्वरप्रसाद खतिवडा, डा. आनन्दमोहन भट्टराई र अनिलकुमार सिन्हाको संवैधानिक इजलासमा उक्त मुद्दाको आज बहस हुँदैछ बुधबार सुनुवाइ नसकिएपछि आजका लागि हेर्दाहेर्दैमा राखिएको थियो । यो विवादको आज अन्तिम सुनुवाइ हो।

आज रवि पक्षका बाँकि वकिल र रिट निवेदकको जवाफी वहस हुनेछ। यसअघि माघ ११ गते सर्वोच्चको संवैधानिक इजलासले यो मुद्दा हेर्दाहेर्दैमा राखेको थियो। गृहमन्त्री लामिछाने र सरकारी वकिलको कार्यालयका वकिलहरूको बहस नसकिएकाले मुद्दा हेर्दाहेर्दैमा राखिएको थियो।

खाजा समयअघि नै बहस सकिने भएकाले आज नै संक्षिप्त आदेशसहित निर्णय सुनाउने सम्भावना छ । त्यसो नभए सर्वोच्च अदालतले निर्णय सुनाउने कुनै मिति तोक्न पनि पाँउछ ।

प्रकाशित मिति: शुक्रबार, माघ १३, २०७९ १२:२१

प्रतिक्रिया दिनुहोस्