लुम्बिनीमा १० बढी मन्त्रालय नबढाउने गरि मन्त्रिपरिषद् विस्तारको तयारी

राजनीति

गृहपृष्ठ
राजनीति
लुम्बिनीमा १० बढी मन्त्रालय नबढाउने गरि मन्त्रिपरिषद् विस्तारको तयारी

लुम्बिनीमा १० बढी मन्त्रालय नबढाउने गरि मन्त्रिपरिषद् विस्तारको तयारी

शुक्रबार, माघ १३, २०७९ बागेश्वरी पोस्ट

नेपालगन्ज। लुम्बिनी प्रदेश सरकारले मन्त्रीको संख्या १७ बाट १० गराउने गरि मन्त्रिपरिषद् विस्तारको तयारी गरेको छ ।

लुम्बिनी प्रदेशका मुख्यमन्त्री लीला गिरीले मन्त्रालयको सङ्ख्या १७ बाट १० मा झार्ने बताएपछि सत्ता साझेदार दलभित्र मन्त्रीका आकाँक्षी धेरै भएकाले मन्त्रालय भागबन्डा मिलाउन मुख्यमन्त्रीलाई कठिन भएपछि मन्त्रिपरिषद् विस्तारमा चुनौती देखिएको छ ।

मुख्यमन्त्री गिरीलाई समर्थन गर्ने दलको सङ्ख्या ८ रहेकोले सबै दललाई मिलाएर मन्त्रिपरिषद् विस्तारमा कठिनाइ देखिएको बताइएको छ । नेकपा माओवादी केन्द्रका संसदीय दलका नेता जोखबहादुर महरालाई मातृशोकमा परेपछि लुम्बिनी प्रदेशमा मन्त्री परिषद विस्तारमा केही दिन ढिलाइ भएको बताइएको छ । महारा आफैं मन्त्रीका आकांक्षी हुन् ।

सरकारका प्रवक्ता चेतनारायण आचार्यले केही दिनभित्रै मन्त्रिपरिषद् विस्तार हुने जानकारी गराएका छन् । उनले लुम्बिनीमा मुख्यमन्त्री तथा मन्त्रिपरिषद् कार्यालयसहित १० वटा मन्त्रालय कायम गर्ने सहमति भएको समेत जानकारी दिए।

मुख्यमन्त्री गिरीले पुस २७ गते नेकपा एमालेबाट चेतनारायण आचार्य र नेकपा माओवादी केन्द्रका कृष्णा केसी 'नमुना' लाई बिना विभागीयमन्त्री बनाएपनि मन्त्रिपरिषद् विस्तार नहुँदा हालसम्म उनीहरुले पाउने मन्त्रालयको टुङ्गो समेत लाग्न सकेको छैन् ।

प्रकाशित मिति: शुक्रबार, माघ १३, २०७९ १४:१२

प्रतिक्रिया दिनुहोस्