जानकीमा कांग्रेस सांसदहरुलाई बधाई तथा सम्मान

राजनीति

गृहपृष्ठ
राजनीति
जानकीमा कांग्रेस सांसदहरुलाई बधाई तथा सम्मान

जानकीमा कांग्रेस सांसदहरुलाई बधाई तथा सम्मान

शुक्रबार, माघ १३, २०७९ बागेश्वरी पोस्ट

जानकी (बाँके) । नेपाली कांग्रेस जानकी गाउँपालिका वडा नम्बर-५ कार्यसमितिले नेपाली कांग्रेसबाट क्षेत्र नम्बर ३ मा संघ र प्रदेशसभातर्फ निर्वाचित सांसदहरुलाई बधाई तथा सम्मान गरेको छ । सहमहामन्त्री तथा संघीय सांसद किशोरसिंह राठौर र आशा विक तथा प्रदेश सभासद बादसाह कुर्मीलाई बधाई तथा सम्मान गरिएको हो ।

गाउँपालिका अध्यक्ष छब्बन खाँले सांसदहरुलाई माला, दोसल्ला र टोपी लगाएर सम्मान गरेका थिए । कार्यक्रममा उपस्थित नेता कार्यकर्ता तथा किसानहरुले समयमा मल-बीउ उपलब्ध हुनुपर्ने, भूमीहिन गरिबको लागि आवास तथा जमिनको व्यवस्था गरिदिनुपर्ने लगायतका विषयमा सांसदहरुको ध्यानाकर्षण गराएका थिए ।

सांसदहरुले स्थानीयका समस्या समाधानका लागि पहल गर्ने र सदनमा कुरा राख्ने बताएका छन् । कार्यक्रममा राठौर, विक र कुर्मीले सांसद विकास कोषको रकम गाउँपालिकामार्फत ३ नम्बर क्षेत्रको विकासका लागि खर्चिन कुनै कसर बाँकी नराख्ने प्रतिवद्धता जनाएका छन् । गाउँपालिका अध्यक्ष खाँले यसपटक वजेट कम आएकाले पालिकाको वाटोघाटो, कृषि, शिक्षा र स्वास्थ्यको लागि सङ्घ र प्रदेशबाट सहयोग गरिदिनुपर्ने माग गरेका थिए ।

कार्यक्रममा लुम्बिनी प्रदेशसभाका पूर्व सदस्य याकुव अन्सारी, क्षेत्रीय सभापति नक्की खाँ, गाउँपालिका अध्यक्ष खाँ, वडा नम्बर ५ का वडा अध्यक्ष एवम् कांग्रेस जानकी गाउँपलिका सचिव टिकानाथ यादव, वडा नम्बर ६ का वडा अध्यक्ष जगदिशप्रसाद हरिजन, समन्वय समिति सदस्य जुल्फेकार मनिहार लगायतको उपस्थिति थियो । वडा सभापति महङ्गु मनिहारको अध्यक्षता सम्पन्न बधाई तथा सम्मान कार्यक्रमको सञ्चालन पार्टी सचिव यादवले गरेका थिए । त्यसक्रममा पार्टी सङ्गठनलाई कसरी मजवुत बनाएर लैजाने भन्ने विषयमा समेत छलफल भएको थियो ।

प्रकाशित मिति: शुक्रबार, माघ १३, २०७९ १९:२८

प्रतिक्रिया दिनुहोस्