रास्वपाको कार्यवहाक सभापति र संसदीय दलको नेतामा डोलप्रसाद अर्याल

राजनीति

गृहपृष्ठ
राजनीति
रास्वपाको कार्यवहाक सभापति र संसदीय दलको नेतामा डोलप्रसाद अर्याल

रास्वपाको कार्यवहाक सभापति र संसदीय दलको नेतामा डोलप्रसाद अर्याल

शनिबार, माघ १४, २०७९ बागेश्वरी पोस्ट

नेपालगन्ज । राष्ट्रिय स्वतन्त्र पार्टी (रास्वपा) का संस्थापक सभापति रबि लामिछानेको नागरिकताका सम्बन्धमा सर्वोच्च अदालतबाट शुक्रबार भएको फैसलापछि पार्टीले कार्यवाहक सभापतिमा डोलप्रसाद अर्याललाई चयन गरिएको छ ।

राष्ट्रिय स्वतन्त्र पार्टीको गएराति बसेको पार्टी केन्द्रीय समितिको बैठकले पार्टीको विधान बमोजिम अर्को व्यवस्था नभएसम्मका लागि पार्टीका उपसभापति डोलप्रसाद अर्याललाई कार्यवाहक सभापतिमा चयन गरेको पार्टीका महामन्त्री एवं प्रवक्ता डा. मुकुल ढकालले जानकारी दिए ।

“कानुनी राज्यको अवधारणा पार्टीको मूल विचार भएकाले न्यायालयको फैसलालाई पार्टीले सदैव सम्मान गर्दछ”, प्रवक्ता डा. ढकालले भने ।

यस्तै, सो पार्टीको शुक्रबारै बसेको संसदीय दलको बैठकले सर्वोच्च अदालतको फैसलाले पार्टीको संसदीय दलको नेताको पद रिक्त भएकोले रिक्त सो पदमा अर्याललाई चयन गरेको छ ।

उक्त पार्टीले यस चुनौतीपूर्ण घडीमा पार्टीका सम्पूर्ण सदस्य तथा शुभचिन्तकलाई संयमित रही विधिको र कानुनको सम्मान गर्न अनुरोध गरेको छ ।

प्रकाशित मिति: शनिबार, माघ १४, २०७९ ०९:३६

प्रतिक्रिया दिनुहोस्