त्रिभुवन अन्तर्राष्ट्रिय विमानस्थलमा २ घण्टासम्म रोकिएको उडान सञ्चालनमा

समाचार

गृहपृष्ठ
समाचार
त्रिभुवन अन्तर्राष्ट्रिय विमानस्थलमा २ घण्टासम्म रोकिएको उडान सञ्चालनमा

त्रिभुवन अन्तर्राष्ट्रिय विमानस्थलमा २ घण्टासम्म रोकिएको उडान सञ्चालनमा

शनिबार, माघ १४, २०७९ बागेश्वरी पोस्ट

नेपालगन्ज । त्रिभुवन अन्तर्राष्ट्रिय विमानस्थलमा २ घण्टा अवरूद्ध बनेको अन्तर्राष्ट्रिय उडान पुनः सञ्चालनमा आएको छ । अध्यागमन विभागको सर्भरमा समस्या हुँदा ३ बजेदेखि ५ बजेसम्म अन्तर्राष्ट्रिय उडान प्रभावित बनेको विमानस्थलका महाप्रबन्धक प्रेमनाथ ठाकुरले जानकारी दिएका छन् ।

उडान प्रभावित हुँदा यात्रुको व्यवस्थापनमा केही समस्या भएको र विमानस्थलमा यात्रुको भिड बढेपनि कुनै समस्या नभएको विमानस्थल कार्यालयले जनाएको छ ।

अहिले अन्तर्राष्ट्रिय उडान भइरहेको छ । आज दिउँसो देशभरका सबै सरकारी सर्भर डाउन भएकाले समस्या आएको अध्यागमन कार्यालयले जानकारी दिएको छ ।

अन्तर्राष्ट्रिय उडान प्रभावित बनेपछि फ्लाई दुबई, इन्डिगो एयर ,एयर इन्डिया लगायत आधा दर्जन अन्तर्राष्ट्रिय उडान रोकिएका थिए । अहिले जहाज उडान तथा अवतरणमा कुनै समस्या नभएको विमानस्थल कार्यालयले जनाएको छ ।

प्रकाशित मिति: शनिबार, माघ १४, २०७९ १८:०५

प्रतिक्रिया दिनुहोस्