लुम्बिनीमा सत्ता गठबन्धनबाट बाहिरियो नागरिक उन्मुक्ति

राजनीति

गृहपृष्ठ
राजनीति
लुम्बिनीमा सत्ता गठबन्धनबाट बाहिरियो नागरिक उन्मुक्ति

लुम्बिनीमा सत्ता गठबन्धनबाट बाहिरियो नागरिक उन्मुक्ति

मंगलबार, माघ १७, २०७९ बागेश्वरी पोस्ट

नेपालगन्ज । नागरिक उन्मुक्ति पार्टी लुम्बिनी प्रदेशको सत्ता गठबन्धनबाट बाहिरिएको छ। सत्ता गठबन्धन दल नेकपा एमालेले माघ २५ गते हुने राष्ट्रियसभा सदस्य उपनिर्वाचनमा दिएको उम्मेदवारी फिर्ता नलिएपछि नागरिक उन्मुक्ति पार्टी सत्ता गठबन्धनबाट बाहिरिएको हो।

नागरिक उन्मुक्ति पार्टीकी अध्यक्ष रन्जिता श्रेष्ठले आफ्नो दल सत्ता गठबन्धनबाट बाहिर रहेको स्पष्ट पारेपछि अब लुम्बिनी प्रदेशको राष्ट्रियसभा सदस्य उपनिर्वाचनमा सत्ता गठबन्धनबाट नेकपा एमाले र नागरिक उन्मुक्तिको छुट्टाछुट्टै उम्मेदवारी परेको छ।

राष्ट्रियसभा सदस्य उपनिर्वाचनमा लुम्बिनी प्रदेशको विपक्षी दल नेपाली कांग्रेसबाट रोल्पाका माधवप्रसाद आचार्य, सत्ताधारी दल एमालेबाट रोल्पाकै कुमार दसौदी र नागरिक उन्मुक्तिबाट बाँकेका राजेन्द्रवीर राय उम्मेदवार रहेका छन् । नेकपा एमालेबाट निर्वाचित खिमलाल भट्टराईले राजीनामा दिएपछि रिक्त रहेको पदको उपनिर्वाचनअन्तर्गत माघ २५ गते मतदान हुदैछ ।

लुम्बिनी प्रदेशमा राष्ट्रियसभा निर्वाचनको लागि स्थानीय तहका प्रमुख र उपप्रमुख र प्रदेशसभा सदस्य गरी ३०५ जना मतदाता रहेका छन्।

प्रकाशित मिति: मंगलबार, माघ १७, २०७९ १३:५७

प्रतिक्रिया दिनुहोस्