फैसलाको पूर्णपाठ नआउँदासम्म गृह मन्त्रालय कसैलाई दिन्न: प्रधानमन्त्री

राजनीति

गृहपृष्ठ
राजनीति
फैसलाको पूर्णपाठ नआउँदासम्म गृह मन्त्रालय कसैलाई दिन्न: प्रधानमन्त्री

फैसलाको पूर्णपाठ नआउँदासम्म गृह मन्त्रालय कसैलाई दिन्न: प्रधानमन्त्री

मंगलबार, माघ १७, २०७९ बागेश्वरी पोस्ट

फाइल फोटो

नेपालगन्ज । प्रधानमन्त्री पुष्पकमल दाहाल प्रचण्डले सर्बोच्च अदालतको फैसलाको पूर्णपाठ नआउँदासम्म गृह मन्त्रालय तत्काल कसैलाई नदिने बताएका छन् ।

आज दिउँसो माओवादी पार्टी कार्यालय पेरिसडाँडामा बसेको पार्टी पदाधिकारीको बैठकमा प्रधानमन्त्री एबम माओवादी केन्द्रका अध्यक्ष प्रचण्डले तत्काल कसैलाई गृहमन्त्री नबनाइने बताएका छन् ।

बैठकमा माओवादी केन्द्रका केही नेताहरूले पनि तत्काल कसैलाई गृहमन्त्री नबनाउन सुझाव दिएका छन् । सर्बोच्च अदालतको फैसलाको पूर्णपाठ नआउँदासम्म गृह मन्त्रालय प्रधानमन्त्रीसँगै रहने माओवादीका उपाध्यक्ष कृष्णबहादुर महराले बताए ।

राष्ट्रिय स्वतन्त्र पार्टीका सभापति रवि लामिछानेले अमेरिकी नागरकता त्यागेपछि नेपाली नागरिकता लिन प्रक्रिया पूरा नगरेको भन्दै सर्वोच्च अदालतले उनको सांसद पद खारेज गरिदिएको थियो । त्यसपछि उनी उपप्रधानमन्त्री तथा गृहमन्त्रीबाट राजिनामा दिएका थिए ।

माओवादी केन्द्रका नेताहरूले आफ्नो पार्टीले महत्त्वपूर्ण मन्त्रालय नपाएको हुँदा गृह मन्त्रालय नछाड्न दवाव दिइरहेका छन् ।

प्रकाशित मिति: मंगलबार, माघ १७, २०७९ १५:१०