प्रचण्ड र ओली छुट्टाछुट्टै लागे सत्ता समीकरणको खेलमा, रविलाई च्याप्ने र फाल्ने अभियानको थालनी

राजनीति

गृहपृष्ठ
राजनीति
प्रचण्ड र ओली छुट्टाछुट्टै लागे सत्ता समीकरणको खेलमा, रविलाई च्याप्ने र फाल्ने अभियानको थालनी

प्रचण्ड र ओली छुट्टाछुट्टै लागे सत्ता समीकरणको खेलमा, रविलाई च्याप्ने र फाल्ने अभियानको थालनी

बिहीबार, माघ १९, २०७९ बागेश्वरी पोस्ट

नेपालगन्ज । राष्ट्रिय स्वतन्त्र पार्टी (रास्वपा) सरकारबाट बाहिरिए प्रधानमन्त्री पुष्पकमल दाहाल प्रचण्डले पुनः विश्वासको मत लिनुपर्ने हुन्छ । तर यस्तो परिस्थिति नल्याउनका लागि एमाले अध्यक्ष केपी शर्मा ओलीले मन्त्रालय साटफेर गरेर भए पनि रास्वपा सभापति रवि लामिछानेलाई सरकारमै राख्न चाहिरहेका छन् ।

माओवादी केन्द्रका अध्यक्ष एवं प्रधानमन्त्री प्रचण्ड भने रविको पार्टी सरकारबाट बाहिर गए पनि फरक नपर्ने भन्दै नेकपा एसलाई दुई मन्त्री दिएर सरकारमा ल्याउने कसरतमा लागेका छन्।

माओवादी उच्च स्रोतका अनुसार माधवकुमार नेपाललाई फकाएर एस पार्टीलाई सरकारमा ल्याउने विषयमा कुराकानी भैरहेको छ । एमालेचाहिँ माधव–प्रचण्ड भन्दा रवि लामिछानेको २० सीटे दललाई सरकारमा राख्न चाहन्छ ।

नेपाली कांग्रेसभन्दा ११ सीटले बढी हुने र प्रचण्डलाई दिइएको विश्वासको मत फिर्ता हुनासाथ प्रधानमन्त्री भइहालिने हिसाब एमालेले निकालिरहेको छ । त्यही कारण रवि स्वयंले पनि नमागेको गृह मन्त्रालय दिइएको छ ।

प्रचण्डले जसपालाई पहिलो पुनर्गठनबाटै मन्त्रिपरिषदमा सामेल गराउने तथा एसलाई पनि त्यही बेला सहभागी गराउने गरी अघि बढाएको थाहा पाएपछि ओलीले रविलाई मन्त्रालय परिवर्तन गरेर भए पनि सरकारमै राख्न चाहेको बुभिएको छ ।

‘प्रचण्डले माधव नेपाललाई फोन गरेर दुई मन्त्री र एक राज्यमन्त्रीको प्रस्ताव गर्नुभएको छ, माधव नेपालले कुनै जवाफ दिनुभएको छैन’, माओवादीका एक नेताले भने । हाम्राकुरा।

प्रकाशित मिति: बिहीबार, माघ १९, २०७९ ०८:२९