मेरो मौनता आजसम्म मात्रै हो-'म अभिमन्यु होइन':रवि लामिछाने

राजनीति

गृहपृष्ठ
राजनीति
मेरो मौनता आजसम्म मात्रै हो-'म अभिमन्यु होइन':रवि लामिछाने

मेरो मौनता आजसम्म मात्रै हो-'म अभिमन्यु होइन':रवि लामिछाने

बिहीबार, माघ १९, २०७९ बागेश्वरी पोस्ट

नेपालगन्ज । राष्ट्रिय स्वतन्त्र पार्टी (रास्वपा) का सभापति रवि लामिछानेले आफू अभिमन्यु नभएको बताउँदै आजदेखि मौन नबस्ने भन्दै फेसबुकमा एउटा स्टाटस लेखेका छन् ।

सामाजिक सञ्जाल फेसबुकमा स्टाटस लेख्दै लामिछानेले 'अब मलाई भन्न बाँकी, गर्न बाँकी, लेख्न बाँकी केही भए भनिहाल्नुहोला, गरिहाल्नुहोला, लेखिहाल्नु होला । मेरो मौनता आजसम्मका लागि मात्रै हो ।' म अभिमन्यु होइन ।

आखिर उनले के मौनता तोड्दैछन्?

लामिछानेले अमेरिकी नागरिकता त्यागेपछि नेपाली नागरिकताको पुनः प्राप्तिका लागि कानुन बमोजिम प्रक्रिया गरेका थिएनन् । त्यस पश्चात् सर्वोच्च अदालतले प्रक्रिया नपुगेको ठहर गर्दै गत शुक्रबार र लामिछानेको सांसद पद खारेज गरेको थियो । त्यससँगै उनी उपप्रधानमन्त्री एवम् गृहमन्त्रीको पदबाट पनि मुक्त भएका थिए ।

नागरिकता लिएसँगै खोसिएको गृहमन्त्रीको पद पुनः लामिछानेले मागिरहेका छन् । तर, प्रधानमन्त्री पुष्पकमल दाहाल प्रचण्डले भने अदालतको पूर्णपाठ नआउँदासम्म लामिछानेलाई गृहमन्त्रीको जिम्मेवारी दिन खोजिरहेका छैनन् ।

प्रकाशित मिति: बिहीबार, माघ १९, २०७९ १३:५८

प्रतिक्रिया दिनुहोस्