लुकाएर राख्ने गरेका मुद्दाहरु प्रहरीमा दर्ता हुने क्रम तिब्र:एसपी वली-बाँके

समाचार

गृहपृष्ठ
समाचार
लुकाएर राख्ने गरेका मुद्दाहरु प्रहरीमा दर्ता हुने क्रम तिब्र:एसपी वली-बाँके

लुकाएर राख्ने गरेका मुद्दाहरु प्रहरीमा दर्ता हुने क्रम तिब्र:एसपी वली-बाँके

शुक्रबार, माघ ३, २०७६ बागेश्वरी पोस्ट

नेपालगन्ज ।जिल्ला प्रहरी बाँकेले प्रहरीले गरेका उपलब्धिको बारेमा शुक्रवार पत्रकार सम्मेलन मार्फत जानकारी दिएको छ।

बाँके प्रहरी प्रमुख एसपी वीर बहादुर वलीले बर्तमान समयमा प्रहरीमा मुद्दा दर्ता गर्न आउनेको संख्यामा वृद्धि भएको पत्रकार सम्मेलन मार्फत जानकारी दिएका छन् । एसपी वलीका अनुसार नागरिकहरुमा सचेतनामा वृद्धि भएकाले गर्दा लुकाएर राख्ने गरेका मुद्दाहरु समेत प्रहरीमा मुद्दा दर्ता हुन थालेको छ। प्रहरीप्रती नागरीकमा विश्वास बढेको एसपी वलीले बताए।

हिजोका दिनसम्म प्रहरी कार्यालयमा मुद्दा दिन हिच्किचाउनेहरु आजका दिनमा न्यायका लागि प्रहरी कार्यालय आएर मुद्धा दर्ता गर्न आउनेको संख्यामा वृद्धि भएको एसपी वलीले बताए ।

जिल्ला प्रहरी बाँकेले आर्थिक वर्ष २०७१ देखी २०७५ सम्म विभिन्न ६१ वटा शिर्षकमा दर्ता भएका अपराधको तालिका सार्वजनिक गरेको थियो । सार्वजनिक तालिका अनुसार ०७०/७१ मा ७३८, ०७१/७२ मा ७३५, ०७२/७३ मा ८५५, ०७३/७४ मा १०२१ र ०७४/७५ मा ११५६ वटा मुद्दा दर्ता भएका छन । दर्ता भएका मुद्धामध्य सबैभन्दा बढि लागु औषधमा २ सय ४९, सार्वजनिक शान्ती विरुद्धको कसुरमा १ सय ४९ र बैंकिङ कसुरमा १ सय २२ जना रहेका छन ।

त्यसैगरी,चालु आर्थिक वर्षको पुष मसान्तसम्म ६२३ मुद्दा दर्ता भएकोमा ५ सय ६९ मुद्धा फर्स्यौट भएको र बाँकी ५४ वटा मुद्धा अनुसन्धानको क्रममा रहेको एसपी वलीले बताए । वलीका अनुसार चालु आर्थिक वर्षको छ महिनामा विभिन्न मुद्धामा ८०६ जना पक्राउ परेका छन । यस अवधिमा ज्यान मार्ने उद्योग अन्तर्गत १८, कर्तब्य ज्यान मुद्धामा ६, लागु औषध मुद्धामा १ सय ८, जवरजस्ती करणीमा २७, जवरजस्ती करणी उद्योगमा ७, बैंकिंङ कसुरमा ६ र हातहतीयार खजानामा ४ जना बिरुद्ध मुद्धा दर्ता गरीएको छ ।

आर्थिक वर्ष ०७६/०७७ को पौष महिनासम्म १२ हजार ६ सय ५० सवारी साधन कारवाहीमा परेका छन । कारवाहीमा परेका सवारी साधन तथा सवारी धनीबाट यस अवधिमा ६९ लाख ९ हजार राजश्व संकलन गरीएको प्रहरी प्रमुख वलीले जानकारी दिए । गत वर्ष ३० हजार ५ सय ६२ सवारी साधनबाट १ करोड ६७ लाख ७८ हजार पाँच सय राजश्व संकलन भएको थियो ।

प्रकाशित मिति: शुक्रबार, माघ ३, २०७६ १८:३५

प्रतिक्रिया दिनुहोस्