महासंघको सदस्यता लिएर पत्रकारितामा क्रियाशील नरहेकालाई सदस्यता त्याग्न अपिल

समाचार

गृहपृष्ठ
समाचार
महासंघको सदस्यता लिएर पत्रकारितामा क्रियाशील नरहेकालाई सदस्यता त्याग्न अपिल

महासंघको सदस्यता लिएर पत्रकारितामा क्रियाशील नरहेकालाई सदस्यता त्याग्न अपिल

बिहीबार, माघ १९, २०७९ बागेश्वरी पोस्ट

नेपालगन्ज । नेपाल पत्रकार महासंघले बर्तमान अवस्थामा पत्रकारिता क्षेत्रमा क्रियाशील नरहेकाहरुलाई आफ्नो साधारण सदस्यता त्याग अपिल गर्दै आज विज्ञप्ति जारी गरेको छ ।

पत्रकार महासंघका महासचिव रोशन पुरीको संयोजकत्वमा पूर्व महासचिव उजिर मगर र पूर्व सचिव रामप्रसाद दाहाल र धर्मेन्द्र कर्ण सदस्य रहेको ‘सदस्यता शुद्धीकरण समिति’ ले सदस्यता लिएर अहिले पत्रकारितामा क्रियाशील नरहेकाहरुलाई यस्तो आग्रह गरेको हो ।

समितिको आज बसेको बैठकले साधारण सभाबाट प्राप्त कार्यादेश बमोजिम कार्य अगाडि बढाउने निर्णय गरेको छ । महासंघको सदस्यता नवीकरण, स्थानान्तरण र नयाँ सदस्यताको प्रक्रियालाई छानबिन गरेर मात्रै अगाडि बढाउने नीति तय भएको छ ।

त्यस्तै महासंघको सदस्यता कायम भएका तर पत्रकारितामा क्रियाशील नरहेका सम्बन्धित सबैलाई स्वेच्छिक रूपले अबिलम्ब सदस्यता त्याग गर्न अपील गरिएको महासचिव रोशन पुरीद्वारा हस्ताक्षरित विज्ञप्तिमा उल्लेख गरिएको छ ।

अन्यथा अटेर गरेमा समितिले तयार पारेको सदस्यता शुद्धीकरण मापदण्ड अनुसार साधारण सदस्यताको सूचीबाट हटाइने महासंघले जनाएको छ ।

प्रकाशित मिति: बिहीबार, माघ १९, २०७९ १८:१४

प्रतिक्रिया दिनुहोस्