सिमसार क्षेत्रको पुनःस्थापना आजको आवश्यकताः मन्त्री नमुना

समाचार

गृहपृष्ठ
समाचार
सिमसार क्षेत्रको पुनःस्थापना आजको आवश्यकताः मन्त्री नमुना

सिमसार क्षेत्रको पुनःस्थापना आजको आवश्यकताः मन्त्री नमुना

राप्ती नदीमा ‘दुर्लभ’ घडियाल गोही छाडियो

बिहीबार, माघ १९, २०७९ बागेश्वरी पोस्ट

नेपालगञ्ज । लुम्बिनी प्रदेश मन्त्री कृष्णा केसी (नमुना) ले सिमसार क्षेत्रको पुनःस्थापना आजको आवश्यकता रहेको बताएकी छिन् ।

आज सिमसार दिवसको अवसरमा बाँके राष्ट्रिय निकुञ्जले गरेको कार्यक्रममा बोल्दै मन्त्री केसीले यस्तो कुरा बताएकी हुन् । प्रकृति, प्राणी, मानव जीवन र समग्र इको सिस्टममा सिमसारले सन्तुलित भूमिका निर्वाह गर्ने अपेक्षा गरिएको बताउँदै उनले सिमसारले विभिन्न दुर्लभ प्रजातिका जीवजन्तु तथा वनस्पतिलाई वासस्थान दिनुका साथै जलस्रोत संरक्षण, बहाव र गुणस्तर कायम राख्ने बताइन् ।

‘सिमसार एक गतिशील, विविधतायुक्त उर्वर पारिस्थितिक प्रणाली हो । यो जैविक, सामाजिक, पर्यावरणीय र आर्थिक दृष्टिकोणले मूल्यवान् प्राकृतिक प्रणालीको अंश हो । यसको संरक्षण अति नै आवश्यक छ,’ उनले भनिन् । मन्त्री केसीले सिमबार क्षेत्रको पुनःस्थापनाका साथै यसको संरक्षण अहिलेको आवश्यकता रहेको दाबी गरिन् । ‘सिमबार क्षेत्रको पुनःस्थापना आजको प्रमुख आवश्यकता भएको छ’ उनले भनिन्, ‘यस क्षेत्रमा भएका सिमसार क्षेत्रहरुको संरक्षण
गर्नुपर्छ ।’

सिमसार क्षेत्रहरुको संरक्षण गर्नुपर्ने दायित्व सबैको रहेको मन्त्री केसीले दाबी गरिन् । स्थानीय स्तरमा रहेका सिमसारहरुको संरक्षणको लागि स्थानीय नागरिकहरुलाई नै अग्रसर गराउनुपर्ने उनले बताइन् । ‘सिमसार क्षेत्रको महत्व स्थानीयलाई बुझाएर संरक्षणमा उहाँहरुलाई नै अग्रसर गराउनुपर्छ’ उनले भनिन्, ‘त्यसबाट स्थानीयलाई आयआर्जनका लागि राज्यले वातावरण गराउनुपर्छ ।’

यसैबीच बाँके राष्ट्रिय निकुञ्जले मध्यवर्ती क्षेत्र अन्तरगत पर्ने राप्ती नदीमा ‘दुर्लभ’ घडियाल गोही छाडेको छ । बाँकेको राप्तीसोनारी गाउँपालिका वडा नम्बर १ कुसुमस्थित बाँसखोली गाउँको नदी किनारमा आज ८ वटा पोथी र २ वटा भाले गरी १० वटा गोही संरक्षणका लागि छाडिएको हो ।

विश्व सिमसार दिवसको अवसरमा लुम्बिनी प्रदेशका मन्त्री कृष्ण केसी ‘नमुना’, राप्तीसोनारी गाउँपालिका अध्यक्ष तप्तबहादुर पौडेल, बाँके राष्ट्रिय निकुञ्जका प्रमुख संरक्षण अधिकृत श्यामकुमार शाह, निकुञ्जको मध्यवर्ती क्षेत्र ब्यवस्थापन समितिका अध्यक्ष गेहेन्द्रकुमार खड्का, बर्दिया राष्ट्रिय निकुञ्जका प्रमुख संरक्षण अधिकृत अशोक भण्डारी, राष्ट्रिय प्राकृतिक संरक्षण कोष बर्दियाका प्रमुख डा. रविन कडरिया लगायतको उपस्थितिमा नदीमा गोही छाडिएको हो ।

Gohi Photo 31675340875.jpg