पार्किङ गरिएको ट्रकलाई अर्को ट्रकले ठक्कर दिँदा २ जनाको मृत्यु

समाचार

गृहपृष्ठ
समाचार
पार्किङ गरिएको ट्रकलाई अर्को ट्रकले ठक्कर दिँदा २ जनाको मृत्यु

पार्किङ गरिएको ट्रकलाई अर्को ट्रकले ठक्कर दिँदा २ जनाको मृत्यु

शुक्रबार, माघ २०, २०७९ बागेश्वरी पोस्ट

नेपालगन्ज । रोकिराखिएको मालवहाक ट्रकमा अर्को ट्रकले ठक्कर दिदा २ जनाको मृत्यु भएको छ । पार्किङ गरिराखिएको मालबाहक ट्रकमा पछाडिबाट आएको अर्को ट्रक ठक्कर दिँदा झापामा २ जनाको मृत्यु भएको प्रहरीले जनाएको छ ।

गएराति शिवसताक्षी नगरपालिका १ अन्तर्गत पूर्व-पश्चिम राजमार्गमा पश्चिमबाट पूर्वतर्फ जाँदै गरेको ना ५ ख ८३११ नम्बरको मालवाहक ट्रकले पार्किङ गरिराखिएको ना ६ ख ८८९५ नम्बरको ट्रकलाई पछाडिबाट ठक्कर दिदा ठक्कर दिने ट्रकमा सवार चालक र सहचालकको घटनास्थलमै मृत्यु भएको प्रहरीले जानकारी दिएको छ ।

ठक्करबाट मृत्यु हुनेमा ट्रक चालक सुनसरी झुम्काका ३५ वर्षिय मदन चौधरी हुन भने सहचाकको भने पहिचान खुल्न बाँकी रहेको प्रहरीले जानकारी दिएको छ ।

बाक्लो हुस्सुका कारण बाटो प्रष्ट नदेखिँदा पार्किङ गरिएको ट्रकमा पछाडिबाट आउदै गरेको अर्को ट्रक ठोकिएको स्थानीयवासीलेहरुले प्रहरीलाई जानकारी गराएका छन् ।

प्रकाशित मिति: शुक्रबार, माघ २०, २०७९ १०:५९

प्रतिक्रिया दिनुहोस्