प्रेसलाई सङ्कुचन पारेर सङ्घीयता समाप्त पार्ने खेल भइरहेको छ: महामन्त्री थापा

राजनीति

गृहपृष्ठ
राजनीति
प्रेसलाई सङ्कुचन पारेर सङ्घीयता समाप्त पार्ने खेल भइरहेको छ: महामन्त्री थापा

प्रेसलाई सङ्कुचन पारेर सङ्घीयता समाप्त पार्ने खेल भइरहेको छ: महामन्त्री थापा

शनिबार, माघ २१, २०७९ बागेश्वरी पोस्ट

फाइल फोटो

नेपालगन्ज । प्रेस स्वतन्त्रता नभए सङ्घीय लोकतान्त्रिक गणतन्त्र संस्थागत नेपाली कांग्रेसका महामन्त्री गगनकुमार थापाले नहुने बताएका छन् ।

बाराको कलैयामा आज आयोजित नेपाल प्रेस युनियन मधेस प्रदेशको प्रथम अधिवेशनको उद्घाटन गर्दै महामन्त्री थापाले सङ्घीय लोकतान्त्रिक गणतन्त्रलाई संस्थागत हुन नदिने खेल भइरहेको बताए । संविधान मान्ने र नमान्ने दुई पक्ष मुलुकमा देखिएका उल्लेख गर्दै उनले संविधान पक्षधर सम्पूर्ण लोकतन्त्रवादी एकजुट हुनुको विकल्प नरहेको बताए ।

“प्रेसलाई सङ्कुचन पारेर सङ्घीयतालाई समाप्त पार्ने खेल भइरहेको छ”, महामन्त्री थापाले भने– “सबैले सजग र सचेत भई सङ्घीयताको रक्षा गर्ने बेला आएको छ ।” कांग्रेसलाई कमजोर पार्नका निमित्त र मुलुकमा अधिनायकवाद लाद्न तथा अस्थिरता सिर्जना गर्ने प्रयास भइरहेको उनको भनाइ थियो ।

देशलाई विकास र समृद्धितर्फ उन्मुख गराउन तथा विधिको शासन सही दिशामा लैजानका लागि पनि एमाले बाहेकका पार्टीको तर्फबाट राष्ट्रपति बनाउनुपर्ने महामन्त्री थापाको धारणा थियो ।

नेपाल प्रेस युनियनका उपाध्यक्ष अनिल कर्णको अध्यक्षतामा सम्पन्न कार्यक्रममा नेपाल प्रेस युनियनका केन्द्रीय अध्यक्ष शिव लम्साल, नेपाली कांग्रेसका केन्द्रीय सदस्य अजयबाबु शिवाकोटी, पूर्व केन्द्रीय सदस्य गुरुराज बराल, नेपाली कांग्रेस मधेश प्रदेशका उपसभापति चन्द्रशेखर यादव, संविधानसभा सदस्य डा. शोभाकर पराजुली, युनियनका महासचिव दिलीप पौडेल लगायतले प्रेसलाई अङ्कुश लगाउने कार्य सह्य नहुने बताए ।

प्रकाशित मिति: शनिबार, माघ २१, २०७९ १८:१०

प्रतिक्रिया दिनुहोस्