रवि लामिछाने आज विशेष पत्रकार सम्मेलन गर्दै

राजनीति

गृहपृष्ठ
राजनीति
रवि लामिछाने आज विशेष पत्रकार सम्मेलन गर्दै

रवि लामिछाने आज विशेष पत्रकार सम्मेलन गर्दै

आइतबार, माघ २२, २०७९ बागेश्वरी पोस्ट

नेपालगन्ज । राष्ट्रिय स्वतन्त्र पार्टी (रास्वपा) का सभापति रवि लामिछानेले आज विशेष पत्रकार सम्मेलन गर्ने भएका छन् । उनले सामाजिक संजालमा फेसबुकमा 'मैले सिधाकुरा नगरेको धेरै भएछ’ लेख्दै विशेष पत्रकार सम्मेलन गर्ने जनाएका हुन् ।

उनले लेखेका छन्, ‘पार्टीको बैठकले आज ठोस निर्णय लिन्छ त्यो आफ्नै ठाउँमा छ । त्यस लगत्तै पार्टी कार्यालयबाट आज म विषेश पत्रकार सम्मेलन गर्दैछु । म चाहन्छु सिङ्गो देश र विदेशमा रहनुहुनेहरु सबैले आजको पत्रकार सम्मेलन हेरुन्, सुनुन् । मैले सिधा कुरा नगरेको धेरै भएछ।’

उनले हिजोसम्मको समय दिएर प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डलाई गृह मन्त्रालय दिन माग गरेका थिए । तर, सर्वोच्च अदालतको पूर्णपाठ पर्खिने अडान लिएर प्रचण्डले रविलाई भौतिक पूर्वाधार मन्त्रालय लिन आग्रह गरेपछि हिजो राति एकाएक रास्वपाको बैठक बसेको थियो ।

तर, त्यो बैठकले कुनै निर्णय लिन सकेको थिएन । बैठक आज पनि बस्दैछ । तर, रविले उक्त पार्टीको बैठक भन्दा छुट्टै विशेष पत्रकार सम्मेलन गर्न लागेको जनाएका छन् । उनले आफ्नो पत्रकार सम्मेलनलाई विशेष भन्दै सबैलाई हेर्न र सुन्न आग्रह समेत गरेका छन् ।

रविको नागरिकता अनधिकृत भएको फैसला सर्वोच्चले गरेसँगै उनले गत आइतबार नागरिकता पुनः प्राप्ति गरेका छन् । सर्वोच्चको फैसलापछि कानून अनुसार रवि तीन महिना कुनै पनि पदमा बस्न अयोग्य रहेका छन् । तर पनि उनले आफूलाई कुनै गल्ती नै गरेको अनुभव भएको देखिँदैन ।

प्रकाशित मिति: आइतबार, माघ २२, २०७९ ११:४९