आफुलाई चितवन २ बाट विजयी घोषित गर्न माग गर्दै उमेश श्रेष्ठ निर्वाचन आयोगमा

राजनीति

गृहपृष्ठ
राजनीति
आफुलाई चितवन २ बाट विजयी घोषित गर्न माग गर्दै उमेश श्रेष्ठ निर्वाचन आयोगमा

आफुलाई चितवन २ बाट विजयी घोषित गर्न माग गर्दै उमेश श्रेष्ठ निर्वाचन आयोगमा

आइतबार, माघ २२, २०७९ बागेश्वरी पोस्ट

नेपालगन्ज । सर्वोच्च अदालतले चितवन क्षेत्र नम्बर २ बाट चुनाव जितेका रवि लामिछानेको पद खारेज गरिदिएपछि निकटतम प्रतिष्पर्धी नेपाली कांग्रेसका केन्द्रीय सदस्य उमेश श्रेष्ठ आज सांसद दाबी गर्दै निर्वाचन आयोगमा निवेदन दिएका छन् ।

आयोगमा आज बिहान साढे ११ बजे सांसद दाबी गर्दै नेता श्रेष्ठले निवेदन दिएका हुन् । उनले आफूलाई विजयी घोषित गर्नुपर्ने माग गरेका छन् । श्रेष्ठले दिउँसो २ बजे ललितपुरस्थित हिमालय होटलमा पत्रकार सम्मेलन गर्ने कार्यक्रमसमेत राखेका छन् ।

गत मंसिर ४ गते भएको निर्वाचनमा चितवन २ बाट रविले ४९ हजार ३०० मत पाउँदा उपविजेता बनेका श्रेष्ठले १४ हजार ९८८ मत पाएका थिए ।

त्यस्तै एमालेका कृष्णभक्त पोख्रेलले १४ हजार ६५२ मत पाएका थिए । राप्रपाका रविन अधिकारीले ९५५ मत ल्याएका थिए । रवि अनधिकृत ठहरिएपछि कांग्रेसका उमेश श्रेष्ठले आफू स्वतः विजेता घोषित हुन पाउनु पर्ने माग गरिरहेका छन् ।

प्रकाशित मिति: आइतबार, माघ २२, २०७९ १२:५१

प्रतिक्रिया दिनुहोस्