अहिले केही दिन नसक्ने रविलाई प्रधानमन्त्री प्रचण्डको जवाफ

राजनीति

गृहपृष्ठ
राजनीति
अहिले केही दिन नसक्ने रविलाई प्रधानमन्त्री प्रचण्डको जवाफ

अहिले केही दिन नसक्ने रविलाई प्रधानमन्त्री प्रचण्डको जवाफ

आइतबार, माघ २२, २०७९ बागेश्वरी पोस्ट

फाइल फोटो

नेपालगन्ज । प्रधानमन्त्री पुष्पकमल दाहाल प्रचण्डले राष्ट्रिय स्वतन्त्र पार्टीका सभापति रवि लामिछानेलाई केही दिन नसक्ने बताएका छन् । प्रधानमन्त्रीले त्यसो बताएपछि लामिछाने निराश भएर फर्केका हुन् ।

आज बिहान गृह मन्त्रालय पाउनैपर्ने अडान राख्न प्रधानमन्त्री प्रचण्डलाई भेट्न बालुवाटार पुगेका लामिछानेलाई जवाफ दिँदै प्रधानमन्त्री प्रचण्डले अहिले मन्त्री नै बनाउन नसक्ने जवाफ दिएका बालुवाटार स्रोतले बताएको छ ।

प्रधानमन्त्री प्रचण्डले नागरिकता मुद्दा किनारा लागे पनि राहदानीको विवाद बाँकी नै रहेको भन्दै अहिले मन्त्री बनाउन नसक्ने बताएका स्रोतको दावी छ । नागरिकता प्रकरणमा सांसद र गृह मन्त्री गुमाएका लामिछाने फेरि गृहमै फर्किन चाहेका छन् । तर प्रचण्डले भने गृह दिन चाहेका छैनन् ।

अहिले राष्ट्रिय स्वतन्त्र पार्टीको केन्द्रीय समिति र संसदीय दलको संयुक्त बैठक पार्टी कार्यालय बसुन्धरामा बस्दैछ । बैठकपछि लामिछाने विशेष पत्रकार सम्मेलन गर्ने बताएका छन् ।

प्रकाशित मिति: आइतबार, माघ २२, २०७९ १३:५२

प्रतिक्रिया दिनुहोस्