अमेरिकी नागरिकता नत्याग्दै नेपाली पासपोर्ट लिएको हुँ, तर दुरुपयोग गरेन: रवि लामिछाने

राजनीति

गृहपृष्ठ
राजनीति
अमेरिकी नागरिकता नत्याग्दै नेपाली पासपोर्ट लिएको हुँ, तर दुरुपयोग गरेन: रवि लामिछाने

अमेरिकी नागरिकता नत्याग्दै नेपाली पासपोर्ट लिएको हुँ, तर दुरुपयोग गरेन: रवि लामिछाने

आइतबार, माघ २२, २०७९ बागेश्वरी पोस्ट

नेपालगन्ज । राष्ट्रिय स्वतन्त्र पार्टी (रास्वपा) का सभापति रवि लामिछानेले आफूले नेपाली राहदानीको दुरुपयोग नगरेको बताएका छन् । लामिछानेले अमेरिकी राहदानी र नागरिकता नत्याग्दै आफुले नेपाली पासपोर्ट लिएको स्वीकार गरेका छन् ।

आज पार्टी कार्यालय बसुन्धारामा पत्रकार सम्मेलनमा बोल्दै लामिछानेले आफुले प्रक्रियागत त्रुटी स्वीकार गरेपनि आफुले अरुको कमजोरी समेत सार्वजनिक गरेपछि आफुलाई सुरक्षा थ्रेट बढ्नेमा आफु त्यसमा जानकार रहेको बताए । ‘मलाई थाहा छ मैले यो कुरा गर्दा मलाई सुरक्षा खतरा बढ्ला तर मलाई त्यसमा डर छैन र म पूर्व गृहमन्त्रीको हैसियतमा कुनै पनि सुरक्षा लिने छैन’, लामिछानेको भनाई छ ।

राष्ट्रिय स्वतन्त्र पार्टीका सभापति रवि लामिछानेले पत्रकारहरूलाई गाली गर्दै आफूसँग चुनाव लड्न चुनौती दिएका छन् । अदालतलाई प्रभाव पार्नका लागि आफ्नो बारेमा भए नभएको लेखिरहेको भन्दै उनले मिडिया चलाउने र पत्रकारिता गर्नेहरूलाई चुनौती दिएका हुन् ।

उनले ‘मिडिया मालिक’हरूका ‘कर्तुत’ बारे फेरि मुद्दा ब्यूँझिने डरका कारण आफूलाई गृहमन्त्रालयमा भएको नरुचाएको पनि दाबी गरे।

‘त्यसैले पनि कन्फ्लिक्ट अफ इन्टरेस्ट’ भनेर बारम्बार मेरो बारेमा लेखिरहे’ उनले भने ‘१२ भाई पत्रकारहरू मिलेर कहिले कुन पत्रिका कहिले कुन मिडियाले मलाई लखेटिरहे ।’

मिडिया मालिकहरूका बारेमा विभिन्न मितिमा भएका मुद्दाहरूबारे भन्दै उनले चुनौती दिए ‘मिडिया चलाउनेले मिडिया चलाउनुस् । देश चलाउने भए मसँग आउनुस् चितवनमा चुनाव लड्न आउनुस् ।’ उनले ठूला मिडियाका सञ्चालक र सम्पादकहरुको नामै तोकेर यस्तो चुनौती दिएका हुन् ।

‘म प्राय: घेराबन्दीहरूबाट पर्दै र निस्किदैँ आएको मान्छे हुँ । र जहाँ बसेपनि म मेरो आफ्नो समाजलाई योगदान दिने मान्छे हुँ । सधै यही समाजको लागि काम गरेको छु । मन्त्री भएपछिमात्रै गरेको होइन’ उनले भने ‘सबैभन्दा लामो अन्तर्वार्ता लिएर गिनिजबुकमा नाम लेखाएँ । सबै अन्तर्राष्ट्रिय सञ्चारमाध्यमहरूले त्यसलाई राम्रोसँग कभर गरे तर नेपाली मिडियाले मलाई कुनै ठाउँ दिएनन् । नेपाली मिडियाले मलाई कहिल्यै रुचाएनन् ।’

प्रकाशित मिति: आइतबार, माघ २२, २०७९ १६:५१