क्यान्सर पीडित शाहको उपचारका लागि आर्थिक सहयोग गर्न अपिल

समाचार

गृहपृष्ठ
समाचार
क्यान्सर पीडित शाहको उपचारका लागि आर्थिक सहयोग गर्न अपिल

क्यान्सर पीडित शाहको उपचारका लागि आर्थिक सहयोग गर्न अपिल

आइतबार, माघ २२, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिका-९ शान्तिनगरका दिवस शाहको जीवन रक्षाका लागि आर्थिक सहयोग गर्न प्याब्सन बाँकेले सवैसँग आग्रह गरेको छ । प्याब्सन बाँके अध्यक्ष यम रावतले विज्ञप्ती जारी गरेर शाहको उपचारमा आर्थिक समस्या भएकोले सहयोग गर्न आग्रह गरेका हुन् । ढाड र टाउकोको क्यान्सरसँग संघर्ष गरिरहेका शाह प्याब्सन सदस्य बिद्यालय नेपालगञ्ज-६ फूल्टेक्रास्थित सिद्धार्थ बिद्या सदनकी शिक्षिका निशा सिंहका पति हुन् ।

नेपालमा उपचार सम्भव नभएपछि शाहको भारतको नयाँ दिल्लीस्थित राजिव गान्धी क्यान्सर हस्पिटलमा उपचार भइरहेको छ । उनको उपचारमा करिव ४५ लाख खर्च भइसकेको र उपचारमा अझै रकम चाहिने भएकोले प्याब्सन बाँकेले मनकारी सहयोगी हातहरुलाई सक्दो आर्थिक सहयोग गरिदिन आग्रह गरेको छ । ‘आदरणीय निजी तथा आवासिय विद्यालय संचालक, पिन्सिपल, शिक्षक, कर्मचारी सरहरु शाहको उपचारका लागि आर्थिक सहयोग गरी जीवन बचाइदिन हार्दिक अनुरोध गर्दछु,’ अध्यक्ष रावतले जारी गरेको विज्ञप्तीमा भनिएको छ ।

उनले इ–सेवा नं ९८६८०२९७५१ र नेपाल बैंक लिमिटेडमा रहेको निशा सिंह शाहको खाता नं ००४०११०७४२६५७६०००००१ मा रकम जम्मा गरिदिन पनि आग्रह गरेका छन् । यस्तै सिद्धार्थ विद्या सदनका सह प्राचार्य प्रबिण गिरीले पनि सिद्धार्थ बिद्या सदनकी शिक्षिका.सिंहका श्रीमान शाहलाई सक्दो आर्थिक सहयोग गर्न आग्रह गरेका छन् । प्याब्सनका जिल्ला सदस्य समेत रहेका गिरीले मनकारी व्यक्ति एवम् संस्थाहरुले आर्थिक सहयोग गर्ने क्रम बढिरहेको बताए ।