भोलि लुम्बिनीमा राष्ट्रियसभा सदस्यको उपनिर्वाचन

राजनीति

गृहपृष्ठ
राजनीति
भोलि लुम्बिनीमा राष्ट्रियसभा सदस्यको उपनिर्वाचन

भोलि लुम्बिनीमा राष्ट्रियसभा सदस्यको उपनिर्वाचन

मंगलबार, माघ २४, २०७९ बागेश्वरी पोस्ट

नेपालगन्ज । लुम्बिनी प्रदेशमा भोलि राष्ट्रियसभा सदस्यको उपनिर्वाचनको हुँदैछ । भोलि हुने उपनिर्वाचनका लागि सम्पूर्ण तयारी पूरा भएको प्रदेश निर्वाचन कार्यालय दाङले जनाएको छ ।

भोलि बिहान १० बदेदेखि दिउँसो ३ बजेसम्म मतदानको लागि घोराहीको कर्मचारी मिलन केन्द्र तोकिएको छ । माघ ११ गते राष्ट्रियसभा सदस्य पदका लागि तीन जनाको उम्मेदवारी दर्ता भएको छ ।

नेकपा एमालेबाट कुमार दसौदी, कांग्रेसका माधवप्रसाद आचार्य र नागरिक उन्मुक्ति पार्टीका राजेन्द्रवीर राय राष्ट्रियसभा सदस्यका उम्मेदवार हुन् । एमालेबाट राष्ट्रियसभा सदस्यमा निर्वाचित रूपन्देहीका खिमलाल भट्टराईले राजीनामा दिएपछि रिक्त रहेको उक्त पदका लागि उपनिर्वाचन हुन लागेको हो ।

राष्ट्रियसभा सदस्यका लागि प्रदेशसभा सदस्य र पालिकाका प्रमुख तथा उपप्रमुखले मतदान गर्ने छन् । प्रदेशसभा सदस्य एक जनाको मतभार ४८ र स्थानीय तहका प्रमुख उपप्रमुखमध्ये हरेकको मतभार १८ हुने गर्छ ।

लुम्बिनी प्रदेशमा कुल मतदाता संख्या ३०५ जना रहेका छन् । जसमध्ये प्रदेश सांसदको संख्या ८७ र पालिका प्रमुख तथा उपप्रमुख मतदाताको संख्या २१८ जना रहेको प्रदेश निर्वाचन कार्यालय दाङले जनाएको छ ।

लुम्बिनी प्रदेशमा कांग्रेसले ४८ पालिकामा जितेको छ। एमालेले २७, माओवादीले २५, जसपाले ३, जनमोर्चा र लोसपाले २/२ तथा राप्रपा र जनता प्रगतिशीलले १/१ स्थानमा जितेका छन् भने प्रदेश सभामा एमालेले २९, कांग्रेसले २७, माओवादीले १०, राप्रपा र नागरिक उन्मुक्तिले ४/४, जसपा, लोसपा र जनमतले ३"३ जनमोर्चा र नेकपा एकीकृत समाजवादीले १/१ सिट जितेका छन् । यहाँ स्वतन्त्रबाट २ जनाले जितेका छन् । तीन जनाले जिते पनि फेरि एक जना माओवादी केन्द्रमै फर्किएका छन् ।

प्रकाशित मिति: मंगलबार, माघ २४, २०७९ १५:३०

प्रतिक्रिया दिनुहोस्