राप्तीसोनारी र नरैनापुरमा नेपाल टेलिकमका थप टावर राख्न मन्त्री नमुनाको पहल

राजनीति

गृहपृष्ठ
राजनीति
राप्तीसोनारी र नरैनापुरमा नेपाल टेलिकमका थप टावर राख्न मन्त्री नमुनाको पहल

राप्तीसोनारी र नरैनापुरमा नेपाल टेलिकमका थप टावर राख्न मन्त्री नमुनाको पहल

बिहीबार, माघ २६, २०७९ बागेश्वरी पोस्ट

नेपालगञ्ज । राप्तीसोनारी र नरैनापुर गाउँपालिका क्षेत्रमा नेपाल टेलिकमका थप टावरहरु राख्न लुम्बिनी प्रदेश मन्त्री कृष्णा केसी (नमुना) ले पहल थालेकी छिन् । हाल भएका टावरहरुको स्तरोन्नति र केही स्थानमा नयाँ टावरहरु राख्नको लागि मन्त्री नमुनाले पहल थालेकी हुन् । सोही क्रममा आज उनले नेपाल टेलिकम लुम्बिनी प्रादेशिक कार्यालय भैरहवामा पुगेर टावरहरुका स्तरोन्नति र नयाँ टावरहरु राख्नेबारे छलफल गरेकी छिन् ।

सो क्रममा उनले निमित्त कार्यालय प्रमुख शिव खनाल लगायतका विभिन्न शाखाका प्रमुखहरुसँग राप्तीसोनारी र नरैनापुर गाउँपालिकासहित प्रदेशभरी नै कसरी गुणस्तरीय टेलिफोन सेवा पु¥याउन सकिन्छ भन्नेबारे छलफल गरेकी थिइन् । ‘मेरो निर्वाचन क्षेत्रसहित प्रदेशभरी नै कसरी गुणस्तरीय सञ्चार सेवा आम नागरिकलाई पु¥याउँन सकिन्छ भन्नेबारे छलफल गरेकी छुँ’ मन्त्री नमुनाले भनिन्, ‘राप्तीसोनारी र नरैनापुरमा अहिले रहेका टावरहरुको स्तोउन्नति र केही स्थानमा नयाँ टावरहरु थप्ने विषयमा छलफल भयो ।’ पूर्व पश्चिम राजमार्ग अन्तर्गत कोहलपुरको चप्परगौडीदेखि दाङको सीमा शिवखोलासम्म टेलिफोन नेटवर्कले काम गर्ने गरी छलफल थालिएको उनले बताइन् ।

‘अहिले राजमार्ग क्षेत्रमा फोनले काम नगर्ने समस्या रहेको छ । यसले यात्रु तथा दुर्घटना भइहालेमा उद्दारको लागि तत्काल सम्पर्क गर्न गाह्रो हुन्छ’ उनले भनिन्, ‘कम्तीमा पनि यो क्षेत्रको राजमार्गमा टेलिफोनले काम गर्ने वातावरण बनाउन लागिपरेकी छु ।’ आफ्नो निर्वाचन क्षेत्रमा पर्ने राप्तीसोनारी र नरैनापुर गाउँपालिकामा समेत गुणस्तरीय टेलिफोन र इन्टरनेट सेवा पु¥याउन लागिपरेको मन्त्री नमुनाले बताइन् ।

दुई पालिकाका केही स्थानमा नेपाल टेलिकमका नयाँ टावर थप गर्ने र अहिले भएका टावरहरुको स्तरोउन्नति गर्ने गरी प्रक्रिया अगाडि बढाइएको उनले जानकारी दिइन् । ‘राप्तीसोनारी र नरैनापुरमा केही नयाँ टावर राख्ने र अहिले भएका टावरलाई स्तरोन्नति गरेर टेलिफोन सेवा राम्रो बनाउने प्रक्रिया सुरु भइसकेको छ’ मन्त्री नमुनाले भनिन्, ‘त्यसै अन्तर्गत केन्द्रीय कार्यालयमा छलफल गरिसकेपछि प्रादेशिक कार्यालयमा छलफल गरेकी हुँ ।’

प्रकाशित मिति: बिहीबार, माघ २६, २०७९ २१:१५