सत्तारुढ दलको उच्चस्तरीय राजनीतिक संयन्त्रको बैठक बालुवाटारमा जारी

राजनीति

गृहपृष्ठ
राजनीति
सत्तारुढ दलको उच्चस्तरीय राजनीतिक संयन्त्रको बैठक बालुवाटारमा जारी

सत्तारुढ दलको उच्चस्तरीय राजनीतिक संयन्त्रको बैठक बालुवाटारमा जारी

शुक्रबार, माघ २७, २०७९ बागेश्वरी पोस्ट

तस्बिर:प्रमको सचिवालय

नेपालगन्ज । सत्ता गठबन्धन दलहरुको उच्चस्तरीय राजनीतिक संयन्त्रको बैठक प्रधानमन्त्रीको सरकारी निवास बालुवाटारमा सुरु भएको छ । सत्ता साझेदार नेकपा एमाले अध्यक्ष केपी शर्मा ओली नेतृत्वको उच्चस्तरीय राजनीतिक संयन्त्रको बैठक बसिरहेको हो ।

बुधबार अध्यक्ष ओलीको बालकोटस्थित निवासमा प्रधानमन्त्री पुष्पकमल दाहाल प्रचण्ड र ओलीबीच भएको भेटवार्तापछि पटकपटक स्थगित भएको संयन्त्रको बैठक अहिले बसिरहेको हो ।

हिजो बस्ने भनिएको बैठक तालमेल अभावका कारण बस्न सकेको थिएन । सुदूरपश्चिममा एमालेको सरकार बचाउन ओलीले प्रयास गर्दागर्दैै असफल भएपछि संयन्त्रको बैठक बस्न सकेको थिएन ।

आजको बैठकमा डेढ महिनामै रवि लामिछाने नेतृत्वको राष्ट्रिय स्वतन्त्र पार्टी प्रचण्ड सरकारबाट बाहिरिएको स्थिति र माओवादी केन्द्रले ‘सहमतीय राष्ट्रपति’को अडान लिएपछि सत्तारुढ दलमा देखिएको खटपट निराकरण हुने विश्वास लिइएको छ ।

सत्तारुढ दल नागरिक उन्मुक्ति पार्टीले बिहीबार सुदूरपश्चिम प्रदेशका मुख्यमन्त्रीलाई विश्वासको मत नदिँदा गठबन्धन सरकार ढलेपछि त्यसको विषयमासमेत छलफल हुनेछ ।

विशेषगरी अड्किएको प्रचण्ड सरकारको पूर्णता र आसन्न राष्ट्रपतिको निर्वाचनका बारेमा छलफल हुने बताइएको छ । बैठकमा प्रचण्ड, ओली, लामिछाने र राप्रपा अध्यक्ष राजेन्द्र लिङ्देन रहेका छन् । जनता समाजवादी पार्टी, जनमत पार्टी र नागरिक उन्मुक्ति पार्टी संयन्त्रको बैठकमा सहभागी छैनन् । बैठकमा मुख्यतः प्रचण्ड सरकारको पूर्णता, राष्ट्रपतिको निर्वाचन लगायतको विषयमा छलफल हुनेछ ।

प्रकाशित मिति: शुक्रबार, माघ २७, २०७९ १०:२३

प्रतिक्रिया दिनुहोस्