जनयुद्ध दिवसमा सार्वजनिक बिदा

राजनीति

गृहपृष्ठ
राजनीति
जनयुद्ध दिवसमा सार्वजनिक बिदा

जनयुद्ध दिवसमा सार्वजनिक बिदा

शुक्रबार, माघ २७, २०७९ बागेश्वरी पोस्ट

नेपालगन्ज । फागुन १ जनयुद्ध दिवसमा सार्वजनिक बिदा हुने भएको छ । बागमती प्रदेश सरकारले ‘जनयुद्ध दिवस’ का अवसरमा सार्वजनिक बिदा दिने निर्णय गरेको हो ।

बागमती प्रदेश सरकारको गत २४ माघमा बसेको मन्त्रिपरिषद बैठकको निर्णय अनुसार १ फागुनमा जनयुद्ध दिवसको अवसरमा बिदा दिने निर्णय भएको हो । कर्णाली प्रदेश सरकारले यसअघि नै सार्वजनिक बिदा दिने निर्णय गरिसकेको छ ।

बागमती प्रदेश, आन्तरिक मामिला तथा कानून मन्त्रालयका प्रवक्ता अनुशिल सापकोटाले जारी गरेको सूचनामा भनिएको छ, ‘जनयुद्ध दिवसको अवसरमा सम्बत २०७९ फागुन १ गते सोमबारका दिन बागमती प्रदेशभर सार्वजनिक बिदा दिने निर्णय गरेको हुँदा सम्बन्धित सबैको जानकारीका लागि यो सूचना प्रकाशित गरिएको छ ।’

यसअघि कर्णाली प्रदेशले पनि गत २३ माघको मन्त्रिपरिषदको निर्णय अनुसार ‘जनयुद्ध दिवस’ मा प्रदेशभर सार्वजनिक बिदा दिने निर्णय गरेको थियो । दुवै प्रदेशमा नेकपा माओवादी केन्द्र नेतृत्वको सरकार गठन छ ।

प्रकाशित मिति: शुक्रबार, माघ २७, २०७९ १०:३४