राष्ट्रपतिको सवारीमा हिँडेका डाक्टरमाथि प्रहरीको लाठीचार्ज

राजनीति

गृहपृष्ठ
राजनीति
राष्ट्रपतिको सवारीमा हिँडेका डाक्टरमाथि प्रहरीको लाठीचार्ज

राष्ट्रपतिको सवारीमा हिँडेका डाक्टरमाथि प्रहरीको लाठीचार्ज

शुक्रबार, माघ २७, २०७९ बागेश्वरी पोस्ट

नेपालगन्ज । आज दिउँसो राष्ट्रपति विद्यादेवी भण्डारीको सवारीका क्रममा सडकमा हिँडेको निहुँमा एक जना डाक्टरलाई सुरक्षाकर्मीले लाठी चार्ज गरेका छन् । राष्ट्रिय ट्रमा सेन्टरका सर्जन डा. जनिथ सिंहमाथि सुरक्षाकर्मीले लाठी बर्साएका छन् । जसका कारण डा. सिंहको टाउकोमा गम्भीर चोट लागेको छ ।

आज अपरान्ह राष्ट्रपति भण्डारी संसदमा सम्बोधन गरेर फर्कने क्रममा वीर अस्पताल बाहिर बाटोमा हिँडिरहेका डा. सिंहमाथि सुरक्षाकर्मीले लाठी चार्ज गर्दा उनको टाउकोमा गम्भीर चोट लागेको हो ।

गम्भीर घाइते उनको ट्रमा सेन्टरमा उपचार भइरहेको सेन्टरका निर्देशक डा. रुद्र मरासिनीले बताएका छन् । उनका अनुसार डा. सिंहले आफू चिकित्सक भएको कार्ड देखाउँदा समेत लाठी खानुपरेको थियो ।

स्वास्थ्यकर्मीमाथि प्रहरीको दुर्व्यवहारविरुद्ध वीर अस्पतालका स्वास्थ्यकर्मी आन्दोलित भएका छन् । सुरक्षाकर्मीले माफी समेत माग्नुपर्ने चिकित्सकहरुले बताएका छन् ।

राष्ट्रपतिको आजको संसद यात्राका क्रममा सर्वसाधारणले ठूलो सास्ती बेहोर्नु परेको छ । यो सास्ती आज मात्र भने हैन । वैकल्पिक व्यवस्था नगरिँदा उनको सवारीका बेलामा हरेक पटक सर्वसाधारणले सास्ती व्यक्त गर्दै आएका छन् ।

तर, जनताले चुनेका प्रतिनिधिले बनाउने राष्ट्रपति राजाका बेलाको जस्तो तानाशाही हुनुहुन्न भन्ने मान्यताविपरीत सुरक्षाका नाममा सर्वसाधारणले भने दुःख पाउनु परेको छ ।

तस्बिरहरु-