सवारीका क्रममा प्रहरीबाट कुटिएका चिकित्सकसँग राष्ट्रपतिले माफी माग्नुपर्छ: सांसद ज्ञानेन्द्र शाही

राजनीति

गृहपृष्ठ
राजनीति
सवारीका क्रममा प्रहरीबाट कुटिएका चिकित्सकसँग राष्ट्रपतिले माफी माग्नुपर्छ: सांसद ज्ञानेन्द्र शाही

सवारीका क्रममा प्रहरीबाट कुटिएका चिकित्सकसँग राष्ट्रपतिले माफी माग्नुपर्छ: सांसद ज्ञानेन्द्र शाही

शनिबार, माघ २८, २०७९ बागेश्वरी पोस्ट

नेपालगन्ज । शुक्रवार राष्ट्रपतिको सवारीका क्रममा हिँडेको निहुँमा प्रहरीबाट कुटिएका ट्रमा सेन्टरका चिकित्सकसँग माफी माग्नु पर्ने प्रतिनिधिसभा सदस्य ज्ञानेन्द्र शाहीले माग गरेका छन् ।

राप्रपाका संसदीय दलका प्रमुख सचेतकसमेत रहेका शाहीले विज्ञप्ति जारी गर्दै शुक्रवार राष्ट्रपतिको सवारीका क्रममा प्रहरीद्वारा कुटिएका चिकित्सकसँग माफी माग्न राष्ट्रपति विद्यादेवी भण्डारीलाई आग्रह गरेका छन् । साथै चिकित्सक कुटपिटमा संलग्न रहेका प्रहरीमाथि कारबाही गर्न पनि शाहीले माग गरेका छन् ।

‘राष्ट्रपतिलाई सम्मान दिनुपर्छ तर जनतालाई सास्ती दिएर चिकित्सकमाथि घटेको घटनाको घोर निन्दा र भत्र्सना गर्दछु । साथै सम्माननीय राष्ट्रपतिले यो विषयमा चिकित्सकसँग माफी माग्न हार्दिक अनुरोध गर्दछु,’ उनले भनेका छन्,‘ यो प्रजातान्त्रिक मुलुकमा बाटोमा हिँडेका आमानागरिक लाई कुटपिट गर्नु र त्यसमाथि अति संबेदनशिल मानिएका चिकित्सकलाई नै कुटपिट गर्नु यो घोर आपतीजन्य निन्दनीय कार्य हो ।’

राष्ट्रपति भण्डारीले शुक्रबार संघीय संसदलाई सम्बोधन गरेर फर्किंदा सडक खाली गर्ने क्रममा प्रहरीले ट्रमा सेन्टरमा कार्यरत चिकित्सकलाई शल्यक्रिया सकेर फर्किरहेका चिकित्सक जनिथ सिंहलाई वीर अस्पताल अगाडि कुटपिट गरेको थियो ।

प्रकाशित मिति: शनिबार, माघ २८, २०७९ १०:५६

प्रतिक्रिया दिनुहोस्