'नेपालको सहयोगमा भारतको महत्वपूर्ण भूमिका'

समाचार

गृहपृष्ठ
समाचार
'नेपालको सहयोगमा भारतको महत्वपूर्ण भूमिका'

'नेपालको सहयोगमा भारतको महत्वपूर्ण भूमिका'

शनिबार, माघ २८, २०७९ बागेश्वरी पोस्ट

नेपालगञ्ज । राष्ट्रिय एकता अभियान धनुषा र रुपन्देहीले विकास क्षेत्रमा नेपाल–भारत सहकार्य विषयक विचार गोष्ठी आयोजना गरेका छन् ।

जनकपुरमा आयोजित विचार गोष्ठी कार्यक्रमकी प्रमुख अतिथि अभियानकी केन्द्रीय उपाध्यक्ष सुनिता साहले दुई देशबीच एक अर्कासँग गहिरो सामाजिक, सांस्कृतिक, धार्मिक र आर्थिक सम्बन्ध हुनाले विकास क्षेत्रमा पनि नेपाल–भारत सहकार्य आवश्यक रहेको बताइन् ।

उनले भनिन्, "छिमेकी देशहरूसँगको सुमधुर र मैत्रीपूर्ण सम्बन्धलाई विकास गर्ने र प्रवर्द्धन गर्ने नेपालको गम्भीर चाहना आफ्नो भूभाग भारत विरोधी तत्वहरूलाई दुरुपयोग हुन नदिने लामो समयदेखिको अडानबाट झल्कन्छ र त्यहाँबाट पनि यस्तै पारस्परिक सहयोग र आश्वासनको अपेक्षा गर्दछ । दुई देशबीचको खुला सीमाना हाम्रो सम्बन्धको विशिष्ट विशेषता हो । प्रतिबन्ध बिनाको सीमानाले एक अर्काको क्षेत्रमा हाम्रा जनताको स्वतन्त्र आवतजावतलाई धेरै सहज बनाएको छ।"

कार्यक्रममा वक्ताहरुले दुई देशबीच खुला सीमाना रहेको बताए । दुवै देशका तीर्थस्थलमा दुवै देशका जनता आउने गर्छन् । भारतले नेपाललाई शिक्षा, स्वास्थ्य, खानेपानी, यातायात, दूरसञ्चार, ऊर्जा लगायत क्षेत्रमा सहयोग गर्दै आएको छ । रोड, रेलवे यसको पछिल्लो उदाहरण हो । तर, आजकल नेपालमा भारत विरोधी तत्वहरुले पखेटा फैलाइरहेको भन्दै यो रोकिनुपर्नेमा वक्ताहरुले जोड दिए ।

डा. वीरेन्द्र यादवको अध्यक्षतामा भएको कार्यक्रममा हिन्दु अभियन्ता तथा लोसपा नेता रमण पाण्डे, जनकपुरधाम नागरिक समाजका संयोजक मुरली मनोहर मिश्र, मारबाडी सेवा समिति जनकपुरधामका महासचिव प्रमोद अग्रवाल, हिन्दू सम्राट सेनाका अध्यक्ष प्रमोद अग्रवाल लगायतको सहभागिता रहेको थियो । त्यस्तै राजेश यादव, ज्ञानेन्द्र यादव लगायतका विभिन्न व्यक्तिहरुको पनि उपस्थिति रहेको थियो ।

त्यस्तै रुपन्देहीमा आयोजित विचार गोष्ठी कार्यक्रमका प्रमुख अतिथि अभियानका केन्द्रीय अध्यक्ष विनय यादवले विकास क्षेत्रमा नेपाल–भारत सहकार्य हुनुपर्नेमा जोड दिएका छन् ।

उनले सनातन धर्म संस्कृति र परम्पराको जगेर्ना अहिलेको आवश्यकता रहेको उल्लेख गरे । उनले नेपाली संस्कृति र विकासको क्षेत्रमा नेपाल भारत बीचको सम्बन्ध सदियौं पुरानो रहेकाले यसको निरन्तरता अहिले पनि कायमै रहेको बताए । उनले धर्म संस्कृतिको नाममा हुने राजनीतिले द्वन्द निम्त्याउने खतरा उच्च हुने उल्लेख गरेका छन् । कार्यक्रममा अतिथिको रुपमा मनिष लोध, बिन्ध्याचल चौधरी, रणजीत यादव, रामअवध पासी, अजय गुप्ता लगायतले आफ्नो मनतव्य राखेका थिए ।

प्रकाशित मिति: शनिबार, माघ २८, २०७९ १९:१७

प्रतिक्रिया दिनुहोस्