नेपालगञ्जमा ५० जना विद्यार्थीहरुलाई करातेको बेल्ट प्रोमोशन

समाचार

गृहपृष्ठ
समाचार
नेपालगञ्जमा ५० जना विद्यार्थीहरुलाई करातेको बेल्ट प्रोमोशन

नेपालगञ्जमा ५० जना विद्यार्थीहरुलाई करातेको बेल्ट प्रोमोशन

शनिबार, माघ २८, २०७९ बागेश्वरी पोस्ट

नेपालगञ्ज । नेपालगञ्जमा आज करातेको बेल्ट प्रोमोशन र सेमिनार सम्पन्न भएको छ । जापान गोजु रियो कराँते डो मिसन संघ नेपालले कार्यक्रम गरेको हो ।

नेपालगञ्ज-१९ कण्ठीपुरस्थित नेपाल राष्ट्रिय आधारभूत विद्यालयमा आयोजित कार्यक्रममा ५० जना विद्यार्थीहरुलाई बेल्ट प्रामोशन गरिएको छ । स्प्रिंगडेल एकेडेमी नेपालगञ्ज, मुनतारा स्कूल राँझा, नेपाल राष्ट्रिय आधारभूत विद्यालय कण्ठीपुर र आदर्श मावि राँझाका विद्यार्थीहरुलाई बेल्ट प्रोमोशन गरिएको हो ।

No description available.

जापान गोजु रियो कराँते डो मिसन संघ नेपालका बाँके सभापति प्रेमबहादुर शाहीको सभापतित्वमा भएको कार्यक्रमको प्रमुख अतिथि जापान गोजु रियो कराँते डो मिसन संघ नेपालका संस्थापक अध्यक्ष एवम् साउथ एसिया जापान गोजु रियो कराँते डो मिसन संघका अध्यक्ष खडकबहादुर राना थिए । प्रमुख अतिथि रानाले आत्मसुरक्षा र आत्मविश्वासको बढावासंगै शारीरिक तन्दुरुस्तीका लागि करातेलाई अनिवार्य जीवनोपयोगी सीपका रुपमा अंगिकार गर्नुपर्ने आवश्यकता औंल्याए । कार्यक्रममा स्प्रिंगडेल एकेडेमीका संस्थापक उपप्रधानाध्यापक बिना सिंह ठकुरी, विद्यालय व्यवस्थापन समिति अध्यक्ष विनोद न्यौपाने लगायतको उपस्थिति रहेको थियो ।

जापान गाजु रियो कराँते डो मिसन संघ नेपालले बाँकेमा दुई बर्षदेखि निरन्तर कराते प्रशिक्षण कार्यक्रम चलाउँदै आएको संघका केन्द्रीय सदस्य सेन्सेई भक्तबहादुर रानाले जानकारी दिए । उनले कराते सिक्ने विद्यार्थीहरु पछिल्लो समय उल्लेख्यरुपमा बढ्दै गएको बताए ।

No description available.