लुम्बिनीमा आज नवनियुक्त ७ जना मन्त्रीको सपथ

राजनीति

गृहपृष्ठ
राजनीति
लुम्बिनीमा आज नवनियुक्त ७ जना मन्त्रीको सपथ

लुम्बिनीमा आज नवनियुक्त ७ जना मन्त्रीको सपथ

आइतबार, माघ २९, २०७९ बागेश्वरी पोस्ट

नेपालगन्ज । लुम्बिनी प्रदेशका नवनियुक्त मन्त्रीहरुले पद तथा गोपनियतको शपथ आज लिने भएका छन् । प्रदेश प्रमुख सचिवालका अनुसार आज दिउँसो १ बजेका पद तथा गोपनियताको शपथ ग्रहणको कार्यक्रम आयोजना गरिएको छ ।

मुख्यमन्त्री लीला गिरीले ७ जनालाई मन्त्रीमा समावेश गरेर हिजो सरकारलाई पूर्णता दिएका थिए । जस अनुसार जोखबहादुर महरा आर्थिक मामिला मन्त्री, चेतनारायण आचार्य खानेपानी, इन्द्रजित थारू भैतिक पूर्वाधार विकास, विष्णुप्रसाद पन्थीलाई स्वास्थ्य, कृष्णा केसी आन्तरिक मामिला, कानून तथा सहकारी मन्त्रालयको जिम्मेवारी तोकिएको थियो ।

यसैगरी, दुर्गाप्रसाद चौधरी वन तथा वातावरण, जानकीप्रसाद यादव उद्योग, पर्यटन तथा यातायात व्यवस्था, तुलसीराम शर्मा कृषि तथा भूमि व्यवस्था र चन्द्रकेश गुप्तालाई सामाजिक विकास मन्त्रालयको जिम्मेवारी दिइएको छ ।

जसमा ७ जना नयाँ हुन् । उनीहरुको आज शपथ हुनेछ । यसअघि गत पुस २७ गते मुख्यमन्त्री गिरीले दुई मन्त्रीको शपथ खुवाएका थिए । तर, मन्त्रालय नतोक्दा विवाद भएको थियो ।

सोही कारण शनिबार दिउँसो मात्रै माओवादी केन्द्रको कोटाबाट मन्त्री बनेकी कृष्णाले राजीनामा दिएकी थिइन् । अहिले भने उनले कानून मन्त्रालयको जिम्मा पाएकी छिन् । कृष्णा आफु बिकासप्रेमी नेता भएका कारण बिकाससँग सम्बन्धित मन्त्रालय खोजेकी थिइन् ।

प्रकाशित मिति: आइतबार, माघ २९, २०७९ ०९:२४

प्रतिक्रिया दिनुहोस्