राष्ट्रपतिको सवारीका बेला डाक्टरमाथि भएको कुटपिटको बिरोधमा आज इमर्जेन्सी बाहेक सबै सेवा बन्द

समाचार

गृहपृष्ठ
समाचार
राष्ट्रपतिको सवारीका बेला डाक्टरमाथि भएको कुटपिटको बिरोधमा आज इमर्जेन्सी बाहेक सबै सेवा बन्द

राष्ट्रपतिको सवारीका बेला डाक्टरमाथि भएको कुटपिटको बिरोधमा आज इमर्जेन्सी बाहेक सबै सेवा बन्द

आइतबार, माघ २९, २०७९ बागेश्वरी पोस्ट

नेपालगन्ज । नेपाल चिकित्सक संघले आज देशैभरका अस्तालमा ईमर्जेन्सी सेवाबाहेक अन्य सबै सेवा बन्द गरेको छ ।

राष्ट्रिय ट्रमा सेन्टरका वरिष्ठ अर्थोपेडिक सर्जन डा. जनिथलाल सिंह लगायतमाथि प्रहरीले माघ २७ गते राष्ट्रपतिको सवारीका क्रममा वीर अस्पताल अगाडि हिंडेको निहुँमा लाठीचार्ज गरी घाइते बनाएको घटनाको विरोध गर्दै संघले आज देशैभरका अस्पताल र स्वास्थ्य संस्थाका ईमर्जेन्सी बाहेकका सबै सेवा बन्द गरेको हो ।

‘स्वास्थ्य जस्तो संवेदनशील क्षेत्रको शान्ति सुरक्षाका निम्ति आवश्यक व्यवस्थापन गर्न तथा सुरक्षाको नाममा भीभीआईपीको सवारीबाट आम सर्वसाधारणले पाइरहेको दुःख र सास्तीलाई सदाको लागि अन्त गरी उचित विधि स्थापित गर्न २८ गते बसेको संघको केन्द्रीय कार्यकारिणी समितिको आकस्मिक बैठकले गरेको निर्णयानुसार मिति २०७९ माघ २९ गते आइतबार एक दिन देशभरका सरकारी तथा गैरसरकारी, निजी, सहकारी स्वास्थ्य संस्था, अस्पताल, निजी तथा सरकारी मेडिकल कलेज, प्रतिष्ठान लगायतका सम्पूर्ण स्वास्थ्य संस्था तथा अस्पतालहरूमा आकस्मिक सेवा बाहेकका अन्य सम्पूर्ण सेवाहरू बन्द गर्ने निर्णय गरेको छ’ विज्ञप्तिमा भनिएको छ ।

सो घटनामा दोषी भन्दै वरिष्ठ प्रहरी हवल्दार शम्भुजंग गुरुङलाई निलम्बन गरिसकेको छ । संघको यो निर्णयले भने बिरामीलाई सास्ती भएको छ । स्वास्थ्य मन्त्रालयले बन्द फिर्ता लिन गरिएको आग्रहलाई समेत संघले मानेको छैन । अहिले प्रधानमन्त्री कार्यालयमा चिकित्सक संघ र सरकारको वार्ता भइरहेको छ ।

प्रकाशित मिति: आइतबार, माघ २९, २०७९ १०:०२

प्रतिक्रिया दिनुहोस्