सरकारी सञ्चारमाध्यमलाई प्रदेशस्तरमा व्यवस्थित गर्नुपर्छ: मन्त्री शर्मा

समाचार

गृहपृष्ठ
समाचार
सरकारी सञ्चारमाध्यमलाई प्रदेशस्तरमा व्यवस्थित गर्नुपर्छ: मन्त्री शर्मा

सरकारी सञ्चारमाध्यमलाई प्रदेशस्तरमा व्यवस्थित गर्नुपर्छ: मन्त्री शर्मा

आइतबार, माघ २९, २०७९ बागेश्वरी पोस्ट

नेपालगन्ज । सञ्चार तथा सूचना प्रविधिमन्त्री रेखा शर्माले मिडिया क्षेत्रमा देखापरेको समस्याका बारेमा मन्त्रालयको जिम्मेवारी सम्हालेदेखि जानकारी लिने काम जारी रहेको बताइन् ।

नेपाल पत्रकार महासङ्घ, नेपाल प्रेस युनियन, प्रेस चौतारी नेपाल, प्रेस सेन्टर र प्रगतिशील पत्रकार सङ्घ दाङद्वारा संयुक्तरूपमा आज आयोजित स्वागत तथा बधाई कार्यक्रमलाई सम्बोधन गर्दै मन्त्री शर्माले विसं २०२७ को कानुनी संरचनामा रहेको हुलाक सेवाको तत्काल पुनःसंरचना गर्न लागिएको बताइन् ।

‘समय सापेक्ष सूचना प्रविधि र संघीय संरचना अनुसार काम अघि बढाउने गरी ‘ड्राफ्ट’ तयार भइसकेको छ, ‘उनले भनिन् ।

आगामी दिनमा पत्रकार र सञ्चार क्षेत्रको सवलीकरण हुने खालका कार्यक्रमलाई अघि बढाइने र सरकारी सञ्चारमाध्यमलाई प्रदेशस्तरमा व्यवस्थित गर्ने कामको थालनी गरिने उनले बताइन् । कार्यक्रममा प्रेस काउन्सिल नेपालका सदस्य शरद अधिकारीले लोककल्याणकारी विज्ञापन कटौतीले साना मिडिया मारमा परेका जस्ता समस्या समाधान गर्न आग्रह गरेका थिए ।

कार्यक्रममा पत्रकार महासङ्घ दाङ शाखा पूर्व अध्यक्ष प्रताप रेग्मी, सल्लाहकार सुदीप गौतम, पूर्व केन्द्रीय सदस्य अजयदीप शर्माले आफ्नो भनाई राखेका थिए ।

प्रकाशित मिति: आइतबार, माघ २९, २०७९ १६:०५

प्रतिक्रिया दिनुहोस्