नेपालगन्जको वडा नंं ४ मा वृद्धवृद्दालाई सम्मान,ब्ल्याङकेटसहित फलफूल वितरण

समाचार

गृहपृष्ठ
समाचार
नेपालगन्जको वडा नंं ४ मा वृद्धवृद्दालाई सम्मान,ब्ल्याङकेटसहित फलफूल वितरण

नेपालगन्जको वडा नंं ४ मा वृद्धवृद्दालाई सम्मान,ब्ल्याङकेटसहित फलफूल वितरण

आइतबार, माघ ५, २०७६ बागेश्वरी पोस्ट

नेपालगन्ज । नेपालगन्जको वडा नम्बर ४ मा वृद्धवृद्धाहरुलाई सम्मान गरिएको छ। नेपालगन्ज वडा नम्बर ४ ले वृद्धवृद्धाहरुलाई आज सम्मान गर्नुका साथै ब्ल्याङकेट समेत सहयोग गरेको छ।

७० बर्ष माथीका वृद्धवृद्धाहरुलाई वडा कार्यालयले ओढ्ने ब्ल्याङकेटदेखि फलफुल र यातायात खर्छ वितरण गरेको हो। अध्यक्ष मो. सफिक बेहनाको अध्यक्षतामा वडा कार्यालयमा आयोजित एक कार्यक्रमका बिच १८५ जना ७० बर्ष उमेर पुगेका वृद्धवृद्धाहरुलाई सम्मानसहित सामाग्री सहयोग गरेको हो।

अध्यक्ष बेहनाले वृद्धवृद्दाको सम्मान गर्न पाँउदा आफू लगायत आफ्नो कार्यालयलाई धेरै खुशी मिलेको बताउनुभयो। कार्यक्रममा बोल्दै अध्यक्ष बेहनाले आमाबाबुको सम्मान गर्न नसक्नेले समाजमा केही प्रगती गर्न नसक्ने बताउनुभयो। जसले आमाबाबुलाई माया र सम्मान गर्न जानेको हुन्छ, त्यसले समाजमा केही गर्न सक्छ र सबैले वृद्धवृद्दाको सम्मान सबैले गर्नुपर्ने कुरा अध्यक्ष बेहनाले बताउनुभयो।

कार्यक्रममा स्वागत मन्तव्य राख्दै कार्यपालिका सदस्य इन्दिरा शाहीले आमा-बाबु इश्वर समान हुने भएकाले सदैब सन्ततिले उहाँहरुको हेरचाँह गर्नुपर्ने कुरा बताउनु भएको थियो। यो कार्यक्रम गत सालपनि गरिएको र अब हरेक बर्ष यस्तो सम्मान तथा सहयोग कार्यक्रम गरिने शाहीले बताउनुभयो।

कार्यक्रममा वडा सदस्य मेनुका जोशी , जय पत्रा कोरी, वडा सचिब गौरी शाही, वडाकै सह- सचिब राजकुमार कार्की , कार्यालयकै झरना भट्टराई, ओसमान, लगायत सयौं बृद्धवृद्धाको उपस्थिति रहेको थियो।

त्यस्तै वडा नम्बर ४ मा यहि माघ १८ गते आँखा शिबिर रहेकोले वडाका वृद्धबृद्दालाई वडा कार्यालयमा आई निशुल्क आँखा शिबिरको फाइदा लिन समेत अध्यक्ष बेहनाले अनुरोध गर्नुभएको छ।