तेस्रो लिङ्गीबारे सचेतना फैलाउन जानकीमा अभिमुखीकरण तालिम

समाचार

गृहपृष्ठ
समाचार
तेस्रो लिङ्गीबारे सचेतना फैलाउन जानकीमा अभिमुखीकरण तालिम

तेस्रो लिङ्गीबारे सचेतना फैलाउन जानकीमा अभिमुखीकरण तालिम

आइतबार, माघ २९, २०७९ बागेश्वरी पोस्ट

नेपालगञ्ज । तेस्रो लिङ्गीबारे सचेतना फैलाउन पश्चिम तारा नेपालले जानकी गाउँपालिकामा अभिमुखीकरण तालिम गरेको छ । अभिमुखीकरण तालिम सामाजिक विकास तथा शिक्षा स्वास्थ्य संयोजक रामआँचल धोवीको अध्यक्षतामा सम्पन्न भएको हो ।

तेस्रो लिङ्गीलाई कुनै किसिमको भेदभाव नहोस् भन्ने सचेतना फैलाउने उद्देश्यले अभिमुखीकिरण तालिम गरिएको पश्चिम तारा नेपालका कार्यक्रम संयोजक परिना चौधरीले बताइन् । धेरैलाई यौनिक तथा लैंगिक अल्पसंख्यकको बारेमा थाहा नभएकाले तेस्रो लिङ्गीका बारेमा जानकारी दिन बाँकेका ८ वटै पालिकामा अभिमुखीकरण तालिम गरिरहेको चौधरीले बताइन् । उनले तेस्रो लिङ्गीको पहिचान, अधिकार, शिक्षा र अवसर सुनिश्चितताका लागि विभिन्न कार्यक्रम गर्दै आएको बताइन् ।

वडा नम्बर ६ का वडा अध्यक्ष जगदिशप्रसाद हरिजनले तेस्रो लिङ्गीलाई पनि समाजमा महिला र पुरुष सरह सम्मान, अधिकार र अवसर प्रदान गरिनुपर्ने बताए । कार्यक्रममा प्रमुख प्रशासकीय अधिकृत सिंहराज डाँगी, वडा अध्यक्षहरु, कार्यपालिका सदस्यहरु र पालिकाका विभिन्न शाखा प्रमुखहरुको उपस्थिति रहेको थियो ।

No description available.