काठमाडौंमा नेपाल–भारत परराष्ट्र सचिवस्तरीय संयन्त्र बैठक सम्पन्न

राजनीति

गृहपृष्ठ
राजनीति
काठमाडौंमा नेपाल–भारत परराष्ट्र सचिवस्तरीय संयन्त्र बैठक सम्पन्न

काठमाडौंमा नेपाल–भारत परराष्ट्र सचिवस्तरीय संयन्त्र बैठक सम्पन्न

सोमबार, फागुन १, २०७९ बागेश्वरी पोस्ट

नेपालगन्ज । आज दिउँसो नेपाल–भारत परराष्ट्र सचिवस्तरीय संयन्त्रको बैठक सम्पन्न भएको छ । होटल याक एन्ड यतिमा परराष्ट्र सचिव भरतराज पौड्याल र भारतका विदेश सचिव विनयमोहन क्वात्राबीच भएको बैठक सम्पन्न भएको हो ।

उनीहरूले करिब आधा घण्टा छलफल गरेका थिए । परराष्ट्र मन्त्रालयका अनुसार बैठकमा दुवै पक्ष समग्र क्षेत्रको हितका लागि आर्थिक र विकास सहयोगलाई थप सुदृढ गर्न सहमत भएका छन् ।

द्विपक्षीय परराष्ट्र सचिवस्तरीय संयन्त्रको बैठकमा नेपालका परराष्ट्र सचिव पौड्याल र भारतका विदेश सचिव क्वात्राको नेतृत्वमा ७–७ जनाको टोली उपस्थित थियो ।

भारतीय विदेश सचिव क्वात्रा परराष्ट्र सचिव पौड्यालको निमन्त्रणमा दुईदिने औपचारिक भ्रमण्का लागि सोमबार काठमाडौं आइपुगेका हुन् । उनलाई परराष्ट्र सचिव पौड्यालले त्रिभुवन अन्तर्राष्ट्रिय विमानस्थलमा स्वागत गरेका थिए । त्यस लगत्तै उनीहरू याक एन्ड यति होटलमा बैठकका लागि पुगेका थिए ।

नेपाल भ्रमणका क्रममा क्वात्राको राष्ट्रपति विद्यादेवी भण्डारी, प्रधानमन्त्री पुष्पकमल दाहाल ‘प्रचण्ड’, कांग्रेस सभापति शेरबहादुर देउवा, एमाले अध्यक्ष केपी शर्मा ओली लगायतका नेताहरूसँग भेट गर्ने कार्यक्रम रहेको बताइएको छ ।

प्रकाशित मिति: सोमबार, फागुन १, २०७९ १६:०३

प्रतिक्रिया दिनुहोस्