साझा प्रजातान्त्रिकका उम्मेदवारलाई जिताउने राजपाको प्रतिबद्धता

राजनीति

गृहपृष्ठ
राजनीति
साझा प्रजातान्त्रिकका उम्मेदवारलाई जिताउने राजपाको प्रतिबद्धता

साझा प्रजातान्त्रिकका उम्मेदवारलाई जिताउने राजपाको प्रतिबद्धता

आइतबार, माघ ५, २०७६ बागेश्वरी पोस्ट

नेपालगञ्ज । राष्ट्रिय जनता पार्टी (राजपा) नेपालले साझा प्रजातान्त्रिक उद्योगी व्यवसायी समूहलाई जिताउने प्रतिबद्धता व्यक्त गरेको छ ।

राजपा पार्टी कार्यालय रानीतलाउमा आज साझा प्रजातान्त्रिक उद्योगी व्यवसायी समूहका अध्यक्षका उम्मेदवार ललित कुमार रौनियारलाई स्वागत गर्दै राजपा नेपालले आसन्न नेपालगञ्ज उद्योग बाणिज्य संघको चुनावमा साझा प्रजातान्त्रिक समूहका सम्पूर्ण उम्मेदवारहरुलाई विजयी गराउन भूमिका खेल्ने प्रतिबद्धता जनाएको हो ।

त्यस क्रममा राजपाका केन्द्रिय उपाध्यक्ष विजय कुमार गुप्ता, सहमहामन्त्री कृष्ण खरेल, राप्रपा नेपालका जिल्ला अध्यक्ष लक्ष्मी नारायण बर्मा, राष्ट्रिय प्रजातन्त्र पार्टीका केन्द्रिय सदस्य ऋषिराज देवकोटा, प्रजातान्त्रिक उद्योगी व्यवसायी संघका अध्यक्ष पुरुषोत्तम शर्मा लगायतले उम्मेदवारहरुलाई जिताउन खेल्नुपर्ने भूमिकाका विषयमा छलफल गर्नुभएको थियो ।

राजपाले यसअघि नै विज्ञप्ति जारी गरेर साझा प्रजातान्त्रिक उद्योगी व्यवसायी समूहका उम्मेदवारलाई समर्थन गर्ने जनाइसकेको छ । माघ ११ गते हुने नेपालगञ्ज उद्योग बाणिज्य संघको चुनावमा साझा प्रजातान्त्रिक उद्योगी व्यवसायी समूहले उपाध्यक्षमा तपेन्द्र विक्रम शाह र बाणिज्य उपाध्यक्षमा अमित बस्नेतलाई अघि सारेको छ । यस्तै अजय कुमार टण्डन, सुुनिल सिंघल, बिन्दु चर्ती मगर, टेकबहादुर खड्का, बदरुदिन अन्सारी, बिष्णु प्रसाद श्रेष्ठ, टंक प्रसाद शर्मा, मख्खन बहादुर धामी, सन्तोष कुमार बैश्य, तेजनारायण कँडेल, दिपेन्द्र राज श्रेष्ठ र सुरेन्द्र सिंह सरदार सदस्य पदका उम्मेदवार रहनुभएको छ ।

प्रकाशित मिति: आइतबार, माघ ५, २०७६ १८:४४

प्रतिक्रिया दिनुहोस्