नेपालको विकासमा भारतले पुर्याएको योगदानको कदर गर्नुपर्नेमा जोड

समाचार

गृहपृष्ठ
समाचार
नेपालको विकासमा भारतले पुर्याएको योगदानको कदर गर्नुपर्नेमा जोड

नेपालको विकासमा भारतले पुर्याएको योगदानको कदर गर्नुपर्नेमा जोड

मंगलबार, फागुन २, २०७९ बागेश्वरी पोस्ट

नेपालगञ्ज । राष्ट्रिय एकता अभियानले विरगञ्ज र झापामा ‘नेपाल–भारत सहकार्य’ विषयक विचार गोष्ठी सम्पन्न गरेको छ । दुई देश बीचको भौगोलिक, सांस्कृतिक, ब्यापारिक र राजनीतिक सम्वन्धका विषयमा जानकारी आदानप्रदान गर्ने उद्देश्यले कार्यक्रमको आयोजना गरिएको हो ।

अभियानका राष्ट्रिय अध्यक्ष विनय यादवको प्रमुख आतिथ्यतामा विरगञ्जमा आयोजित कार्यक्रममा प्राध्यापक देवेन्द्र मिश्र, समाजसेवी महेश अग्रवाल, सुरेन्द्रनाथ तिवारी, डा. अजय यादव, सचितानन्द सिंह, समाजिक अभियन्ता ओमप्रकाश सर्राफ लगायतले आफ्नो मन्तव्य राखेका थिए ।

कार्यक्रमका बक्ताहरुले भारत र नेपालको आत्मा एकै भएको तर्क गर्दै नेपालको विकासमा भारतले पुर्याइरहेको योगदानको कदर गर्नुपर्ने बताए । कार्यक्रमको अध्यक्षता श्याम तिवारीले गरेका थिए भने सञ्चालन अभियान निकट विद्यार्थी परिषदका संयोजक विवेक कुशवाहाले गरेका थिए ।

यसैगरी झापामा ‘नेपाली संस्कृति र विकास क्षेत्रमा नेपाल–भारत सहकार्य’ विषयमा कार्यक्रम सम्पन्न भएको छ । अभियानका जिल्ला अध्यक्ष मणिकुमार राईको अध्यक्षता तथा अभियानकी राष्ट्रिय उपाध्यक्ष सुनिता साहको प्रमुख आतिथ्यतामा कार्यक्रम सम्पन्न भएको हो ।

उक्त कार्यक्रममा विश्व हिन्दु महासंघका जिल्ला अध्यक्ष मोहन उप्रेति, विश्व हिन्दु परिषदका अध्यक्ष होमनाथ ढुंगेल, अभियानकी कोषाध्यक्ष तारा राजवंशी, पुनमकुमारी मुखिया, गणेश सिंह, दिपेन्द्र यादव, दयानन्द गोश्वामी लगायतले बोलेका थिए ।

कार्यक्रमका वक्ताहरुले नेपाली संस्कृति र विकासको क्षेत्रमा नेपाल–भारत बीचको सहकार्य उदाहरणीय रहेको भन्दै त्यसलाई अझ बलियो पार्न सनातन धर्म संस्कृतिको संरक्षण जरुरी रहेको बताए । उनीहरुले सनातन धर्म संस्कृतिले मात्र देशको राष्ट्रियता जोगिने बताए ।

प्रकाशित मिति: मंगलबार, फागुन २, २०७९ १९:४७

प्रतिक्रिया दिनुहोस्