कांग्रेस नेता भण्डारीलाई थप उपचारका लागि भारत लैजाने तयारी

समाचार

गृहपृष्ठ
समाचार
कांग्रेस नेता भण्डारीलाई थप उपचारका लागि भारत लैजाने तयारी

कांग्रेस नेता भण्डारीलाई थप उपचारका लागि भारत लैजाने तयारी

बिहीबार, फागुन ४, २०७९ बागेश्वरी पोस्ट

नेपालगञ्ज । घरमा ग्यास सिलिन्डर विस्फोट हुँदा घाइते भएका नेपाली कांग्रेसका नेता तथा गुल्मी क्षेत्र नं १ का सांसद डा.चन्द्र भण्डारी र उनकी आमा ८६ वर्षकी हरिकला भण्डारीलाई थप उपचारका लागि भारत लैजाने तयारी भइरहेको छ ।

काठमाडौं बुद्धनगरस्थित घरमा गएराति साढे १० बजे भएको विस्फोटमा परेर जलेका आमाछोराको उपचार अहिले कीर्तिपुर बर्न अस्पतालमा भइरहेको छ ।

२५ प्रतिशत शरीर जलेका चन्द्रको आइसियुमा उपचार भइरहेको छ । आमाको ७० प्रतिशत शरीर जलेकाले अवस्था गम्भीर रहेको छ । तर, चन्द्रको फोक्सोमा नै असर गरेकाले तत्काल भारत लैजाने तयारी भएको छ । चन्द्रको टाउको र दाइने साइडमा बढी असर गरेको छ ।

परिवारका अनुसार गएराति भान्सा कोठामा ग्यास लिक भएको थाहा पाएपछि ८९ वर्षीय आमा हरिकला भण्डारी पुगेको समयमा विस्फोट भएको र उनलाई बचाउन चन्द्र पुगेका थिए ।

प्रकाशित मिति: बिहीबार, फागुन ४, २०७९ ०८:०४

प्रतिक्रिया दिनुहोस्