दाङमा ग्यास सिलिण्डर विष्फोट हुँदा दुई जना घाइते

समाचार

गृहपृष्ठ
समाचार
दाङमा ग्यास सिलिण्डर विष्फोट हुँदा दुई जना घाइते

दाङमा ग्यास सिलिण्डर विष्फोट हुँदा दुई जना घाइते

बिहीबार, फागुन ४, २०७९ बागेश्वरी पोस्ट

नेपालगन्ज । दाङको तुलसीपुरमा खाना पकाउने ग्यास लिक भई बिस्फोट हुँदा दुई जना घाइते भएका छन् ।

तुलसीपुर उपमहानगरपालिका वडा नम्बर १६ को लहचौरास्थित कृषि बीउ उत्पादन कम्पनीमा आज बिहान ११:४० बजे ग्यास लिक भई बिस्फोट भएको हो ।

इलाका प्रहरी कार्यालय तुलसीपुरका प्रमुख प्रहरी नायब उपरीक्षक पुष्पराज मल्लले ग्यास लिक भई पड्किँदा खाना पकाउँदै गरेकी ५० वर्षीया कुसुम केसी र २९ वर्षीय आशिष खनाल घाइते भएका हुन् । खनाल चितवनको भरतपुरका हुन् ।

कुसुमको कम्मरमुनिका भाग जलन भएको छ । उनलाई राप्ती प्रादेशिक अस्पतालमा प्रारम्भिक उपचार गरेर थप उपचारका लागि नेपालगन्ज ल्याइएको छ ।

यस्तै खनालको हात र खुट्टामा जलन भएको छ। उनी चितवनमै उपचार गराउने भनेर त्यसतर्फ गएका छन् ।

प्रकाशित मिति: बिहीबार, फागुन ४, २०७९ १५:३८

प्रतिक्रिया दिनुहोस्