संगठन निर्माण र विस्तार कांग्रेसको अर्जुनदृष्टि होः सभापति गौडेल

राजनीति

गृहपृष्ठ
राजनीति
संगठन निर्माण र विस्तार कांग्रेसको अर्जुनदृष्टि होः सभापति गौडेल

संगठन निर्माण र विस्तार कांग्रेसको अर्जुनदृष्टि होः सभापति गौडेल

बिहीबार, फागुन ४, २०७९ बागेश्वरी पोस्ट

नेपालगञ्ज । नेपाली काँग्रेस बाँकेका सभापति नारायणप्रसाद गौडेलले कांग्रेस बाँके संगठन निर्माण र विस्तार गर्ने अर्जुनदृष्टिका साथ अघि बढेको बताएका छन् ।

बाँके क्षेत्र नम्बर १ को राप्तीसोनारी गाउँपालिका वडा नम्बर २ को प्रथम वडा सम्मेलनलाई आज हरिहरपुरमा सम्बोधन गर्दै गौडेलले अझ सदृढ र संगठिन कांग्रेस बनाउन कुनै कसर बाँकी नराखिने बताए । उनले पार्टीलाई चलायमान बनाए मात्रै संगठन धारिलो हुने भन्दै व्यक्तिगत स्वार्थलाई विर्सेर पार्टीलाई शीरमा राखी संगठन विस्तारमा जुट्न आह्वान गरे ।

जिल्लाको भावलाई बुझ्दै लय पकडेर अघि बढ्न सम्पूर्ण पार्टी पंक्तिलाई उनले आग्रह गरे । गौडेलले आफ्नो नेतृत्वको जिल्ला कार्यसमितिले पहिलोपटक वडादेखि क्षेत्र हुँदै जिल्ला सम्मेलन गर्न लागेको बताउँदै यसले पार्टी पंक्तिलाई तल्लो तहसम्म गतिशील र चलायमान बनाउने बताए ।

वडा सभाापति नन्दलाल बस्नेतको सभापतित्वमा भएको सम्मेलनले आगामी एक वर्षको सांगठनिक र प्रस्तावित कार्यक्रम पारित गरेको छ । सम्मेलनलाई लुम्बिनी प्रदेश समिति सदस्य टेकनारायण भुषाल, क्षेत्रीय सभापति पोषण केसी, राप्तीसोनारी गाउँपालिकाका पूर्व अध्यक्ष एवम् महाधिवेशन प्रतिनिधि लाहुराम थारु, महाधिवेशन प्रतिनिधि संगिता थारु, पार्टी प्रवक्ता डिल्ली गिरी लगायतले सम्बोधन गरेका थिए ।

प्रकाशित मिति: बिहीबार, फागुन ४, २०७९ २०:००

प्रतिक्रिया दिनुहोस्