सामान्य प्रशासनले गर्यो २१ जनाको सरुवा, राप्तीसोनारीमा देवकोटा

राजनीति

गृहपृष्ठ
राजनीति
सामान्य प्रशासनले गर्यो २१ जनाको सरुवा, राप्तीसोनारीमा देवकोटा

सामान्य प्रशासनले गर्यो २१ जनाको सरुवा, राप्तीसोनारीमा देवकोटा

शनिबार, फागुन ६, २०७९ बागेश्वरी पोस्ट

नेपालगन्ज । सङ्घीय मामिला तथा सामान्य प्रशासन मन्त्रालयले उपसचिव र अधिकृतहरु गरी २१ जनाको सरुवा गरेको छ ।

मन्त्रालयको सरुवामा उपसचिव तेजनारायण यादवलाई थारु आयोग, विक्रमप्रसाद पाण्डेलाई ठुलीभेरी नगरपालिका डोल्पा , विनोदकुमार दाहाललाई महिला, बालबालिका तथा ज्येष्ठ नागरिक मन्त्रालय र कृष्ण थापालाई मुसिकोट नगरपालिका रुकुम पश्चिम सरुवा गरिएको छ ।

त्यस्तै ओमकार शाहलाई गुलरिया नगरपालिका बर्दिया, धर्मानन्द जोशीलाई पोखरिया नगरपालिका पर्सा, उपसचिव रेश्मीराज अर्याललाई मुख्यमन्त्री तथा मन्त्रिपरिषद्को कार्यालय लुम्बिनी, खिमबहादुर भुजेललाई शिक्षा, विज्ञान तथा प्रविधि मन्त्रालयमा काज फिर्ता गरिएको छ ।

सिडिई पवन चन्दलाई मुख्यमन्त्री तथा मन्त्रिपरिषद्को कार्यालय कर्णाली प्रदेश, डा. कृष्णबहादुर घिमिरेलाई काठमाडौंस्थित तारकेश्वर नगरपालिका, विनयकुमार सोनुलाई सप्तरीस्थित डाक्नेश्वरी नगरपालिका, राजन कँडेललाई पुथा उत्तरगङ्गा गाउँपालिकाको प्रमुख प्रशासकीय अधिकृत र सुर्खेतस्थित सिम्ता गाउँपालिकाका प्रमुख प्रशासकीय अधिकृत ओमप्रकाश देवकोटालाई राप्तीसोनारी गाउँपालिका बाँकेको प्रमुख प्रशासकीय अधिकृतमा सरुवा गरिएको छ ।

त्यसैगरी शाखा अधिकृत विपिन क्षेत्रीलाई रुपन्देहीस्थित ओमसतिया गाउँपालिका, सागर गौतमलाई लुम्बिनी प्रदेशस्थित मुख्यमन्त्री तथा मन्त्रिपरिषद्को कार्यालयमा सरुवा गरिएको छ । दिनेश सिंह ठाकुरलाई धनुषास्थित हंसपुर नगरपालिकोे प्रमुख प्रशासकीय अधिकृत, मनिष झालाई रौतहटस्थित माधवनारायण गाउँपालिकाकोे प्रमुख प्रशासकीय अधिकृत, शेरबहादुर बुढालाई चुरे गाउँपालिका कैलालीमा पठाइएको छ ।

शाखा अधिकृत कोविद ढकाललाई ताप्लेजुङस्थित सिदिङ्वा गाउँपालिकामा प्रमुख प्रशासकीय अधिकृत, पुण्यप्रसाद भट्टराईलाई बागमती प्रदेशस्थित मुख्यमन्त्री तथा मन्त्रिपरिषद्को कार्यालयमा सरुवा गरिएको छ ।

प्रकाशित मिति: शनिबार, फागुन ६, २०७९ १४:१२

प्रतिक्रिया दिनुहोस्