श्री एयरको जहाज ल्याण्ड गर्दा रनवेमा एक्कासी एक हुल केटाकेटी छिरेपछि...

समाचार

गृहपृष्ठ
समाचार
श्री एयरको जहाज ल्याण्ड गर्दा रनवेमा एक्कासी एक हुल केटाकेटी छिरेपछि...

श्री एयरको जहाज ल्याण्ड गर्दा रनवेमा एक्कासी एक हुल केटाकेटी छिरेपछि...

शनिबार, फागुन ६, २०७९ सुमिर गिरी

फाइल फोटो

नेपालगन्ज । जहाज अवतरण (ल्याण्ड) गर्दा विमानस्थलको रनवेमा एक हुल केटाकेटीमा छिरेपछि जहाजलाई आकाशमै होल्ड गराइएको छ । विराटनगर विमानस्थलमा आज दिउँसो साढे ४ बजेतिर स्थानीय केटाकेटीको एक हुल रनवेमा प्रवेश गरेपछि श्री एयरलाइन्सको विमान अवतरणका लागि केही बेर होल्ड गर्नुपरेको छ ।

एयरपोर्टको दक्षिणतिरबाट ७–८ वर्षका केटाकेटी एक्कासि रनवेमा प्रवेश गरेका थिए । विराटनगर विमानस्थलका निमित्त प्रमुख युवल बरालका अनुसार सोही कारण श्री एयरलाइन्सको जहाज अवतरणका लागि ४ मिनेट जति होल्ड गर्नुपरेको थियो ।

‘विमान अवतरण हुनै लाग्दा बच्चा छिरेको देखियो, अनि केही समय विमान आकाशमै घुम्नुपरेको हो,’ बरालले भने, ‘दिउँसो साढे ४ बजेतिरको समयमा फेन्सिङ साइडबाट ३–४ जना केटाकेटी छिरेछन् । उनीहरु स्थानीय हुन् ।

उनीहरुलाई नियन्त्रणमा लिएपछि जहाज आयो फेरि उडेर गयो । केही भएन । ठूलो केही भएको होइन ।’ उनीहरुलाई सम्झाइबुझाई गरेर अभिभावकको जिम्मा लगाइएको उनले जानकारी दिए । रातोपाटीबाट

प्रकाशित मिति: शनिबार, फागुन ६, २०७९ २२:१४

प्रतिक्रिया दिनुहोस्