आज प्रजातन्त्र दिवस मनाइँदै

समाचार

गृहपृष्ठ
समाचार
आज प्रजातन्त्र दिवस मनाइँदै

आज प्रजातन्त्र दिवस मनाइँदै

आइतबार, फागुन ७, २०७९ बागेश्वरी पोस्ट

नेपालगन्ज । आज प्रजातन्त्र दिवस देशभर धुमधामका साथ मनाइँदैछ । जहानियाँ राणा शासनको अन्त्य भएको र प्रजातन्त्र स्थापना भएको २००७ फागुन ७ को सम्झनामा आज प्रजातन्त्र दिवस मनाइँदैछ ।

राज्यशक्तिको स्रोत जनता मात्र हुन् र मुलुकको सार्वभौमसत्ता जनतामा निहित हुनुपर्छ भन्ने मान्यतालाई जनताको संघर्ष तथा वीरवीरांगना शहीदको बलिदानबाट स्थापित गरेको हुनाले आजको दिन नेपालको इतिहासमा गौरवपूर्ण र अविस्मरणीय मानिन्छ । सरकारले प्रजातन्त्र दिवसको दिन प्रधानमन्त्रीको अध्यक्षतामा मूल समारोह समिति बनाएरै प्रजातन्त्र दिवस मनाउँदै आएको छ । गत २४ माघमा प्रधानमन्त्री पुष्पकमल दाहाल प्रचण्डको अध्यक्षतमा प्रजातन्त्र मूल समारोह समिति गठन गरेको थियो । जसले ७ फागनको प्रजातन्त्र दिवस भब्यताका साथ मनाउने निर्णय गरेको थियो ।

हिजोदेखि तीन दिन दीप प्रज्ज्वलन गर्ने निर्णयसमेत भएको थियो । काठमाडौंको टुँडिखेलमा विशेष समारोह आयोजना गरिन्छ भने विदेशी नियोगहरुमा पनि राष्ट्रिय झन्डा फहराइने गर्दै आएको छ ।

७३ औं प्रजातन्त्र दिवस मनाइरहँदा अझैसम्म सम्पूर्ण नेपालीले भने प्रजातन्त्रको अनुभूति गर्न नसकेको आवाज आइरहन्छ । समानताको समस्या हरेक क्षेत्रमा देखिइरहेको छ ।

प्रकाशित मिति: आइतबार, फागुन ७, २०७९ ०८:०७

प्रतिक्रिया दिनुहोस्