नेपालगञ्ज-१२ मा नेपाली कांग्रेसको वडा भेला सम्पन्न

राजनीति

गृहपृष्ठ
राजनीति
नेपालगञ्ज-१२ मा नेपाली कांग्रेसको वडा भेला सम्पन्न

नेपालगञ्ज-१२ मा नेपाली कांग्रेसको वडा भेला सम्पन्न

आइतबार, फागुन ७, २०७९ बागेश्वरी पोस्ट

नेपालगञ्ज । नेपालगञ्ज वडा नम्बर १२ मा आज नेपाली कांग्रेसको वडा भेला सम्पन्न भएको छ । वडा सभापति रामु चिडिमारको सभापतित्व एवम् जिल्ला सचिव सुधांशु कोइरालाको प्रमुख आतिथ्यतामा वडा भेला सम्पन्न भएको हो ।

भेलालाई सम्बोधन गर्दै कोइरालाले पार्टीलाई एकताबद्ध बनाएर लैजानुपर्ने आवश्यकता औल्याउँदै कसैले पनि गुटको राजनीति गर्न नहुनेमा जोड दिए । युवाहरुले गुटलाई प्रबद्र्धन गर्ने गतिविधि गर्न नहुने उनको भनाई छ । वडा भेलालाई क्षेत्र नम्बर २ का क्षेत्रीय सभापति रमेशकुमार गुप्ता, महाधिवेशन प्रतिनिधि अजितकुमार शर्मा, पूर्व पार्टी सचिव एवम् पूर्व क्षेत्रीय सभापति सुरेन्द्रनाथ सापकोटा लगायतले सम्बोधन गरेका थिए । भेलामा जिल्ला सदस्य अमृत आचार्यले स्वागत मन्तब्य व्यक्त गरेका थिए ।

भेलामा जिल्ला सदस्य सुशिला पन्त, क्षेत्रीय सचिव प्रदिप साहु, सहसचिव तरुणकुमार बज्राचार्य, प्रदेश सहसचिव राजकुमार बाल्मिकी लगायत उपस्थित रहेको वडा सचिव सुकराम चिडिमारले जानकारी दिए । सुकरामका अनुसार त्यसक्रममा रेडक्रस जिल्ला उपसभापतिमा नवनिर्वाचित सुरेन्द्रनाथ सापकोटा र जिल्ला सदस्य अजितकुमार शर्मालाई बधाई ज्ञापन तथा सम्मान गरिएको थियो ।

यस्तै ग्यास सिलिण्डर विस्फोटबाट घाइते भएका कांग्रेस नेता एवम् सांसद डा. चन्द्र भण्डारीको शिघ्र स्वास्थ्य लाभको कामना गर्दै सोही घटनामा परी निधन भएकी भण्डारीकी आमाप्रति श्रद्धाञ्जली अर्पण गरिएको छ ।

प्रकाशित मिति: आइतबार, फागुन ७, २०७९ १४:०६

प्रतिक्रिया दिनुहोस्