गुण एयरका सबै जहाज उडानमा प्राधिकरणले लगायो रोक

समाचार

गृहपृष्ठ
समाचार
गुण एयरका सबै जहाज उडानमा प्राधिकरणले लगायो रोक

गुण एयरका सबै जहाज उडानमा प्राधिकरणले लगायो रोक

सोमबार, फागुन ८, २०७९ बागेश्वरी पोस्ट

नेपालगन्ज । गुण एयरलाइन्सका सम्पूर्ण उडान बन्द गर्न नागरिक उड्डयन प्राधिकरणले निर्देशन दिएको छ ।

कर्मचारीलाई तलब समेत दिन नसकेकाले हवाई सुरक्षा पक्षमा प्रभाव पर्ने जोखिम रहेको ठहर गर्दै नेपाल नागरिक उड्डयन प्राधिकरणले गुणका विमानहरुलाई उड्न नदिने निर्णय गरेको प्राधिकरणले जनाएको छ ।

तलब नपाएका कर्मचारीले राम्रोसँग काम गर्न नसक्ने र तलब समेत नपाएको मनोविज्ञान रहेको अवस्थामा हवाई सुरक्षामा जोखिम बढी हुन सक्ने भएका कारण अहिलेलाई उडान गर्न नदिने निर्णय गरेको प्राधिकरणले जानकारी दिएको छ ।

गुण एयरका जहाजले हाल तुम्लिङटार, पोखरा, विराटनगर, भैरहवा, भरतपुर, सिमरा लगायतका गन्तव्यमा उडान गर्दै आइरहेका छन् ।

गुणका उडान गत बुधबारदेखि नै बन्द छन् । यसअघि गुण एयरले जहाज मर्मतका लागि स्पेयर पार्टस् विदेशबाट ल्याइँदै र पाइलट तालिममा रहेकाले उडान बन्द रहेको बताएको थियो । यद्यपी हिजोदेखि नियमित उडान गर्ने कम्पनीको भनाई थियो । तर, उडान बन्द भएपछि अनुसन्धान गर्दा तलब नदिएको पाइएको प्राधिकरणले जनाएको छ । पाइलटहरुले समेत तलब नपाएको विषयले गर्दा उडानमा गम्भीर असर पर्ने भन्दै प्राधिकरणले उडानमा रोक लगाएको जनाएको हो ।

प्रकाशित मिति: सोमबार, फागुन ८, २०७९ १५:५६

प्रतिक्रिया दिनुहोस्