मूल्य–मान्यता र आदर्शलाई त्यागेर कुनै सम्झौता गर्दैन: नेता नेपाल

राजनीति

गृहपृष्ठ
राजनीति
मूल्य–मान्यता र आदर्शलाई त्यागेर कुनै सम्झौता गर्दैन: नेता नेपाल

मूल्य–मान्यता र आदर्शलाई त्यागेर कुनै सम्झौता गर्दैन: नेता नेपाल

मंगलबार, फागुन ९, २०७९ बागेश्वरी पोस्ट

नेपालगन्ज । नेकपा(एकीकृत समाजवादी) का अध्यक्ष माधवकुमार नेपालले राष्ट्रपतिका विषयमा सबै पक्षसँग छलफल भइरहेको बताएका छन्।

पार्टीको लुम्बिनी प्रदेसको बैठकका लागि मंगलबार दाङ पुगेका नेता नेपालले राष्ट्रपति निर्वाचनका लागि सबै राजनीतिक दलहरूसँग कुराकानी भइरहेको बताएका हुन्।

एमाले अध्यक्ष केपी शर्मा ओलीले माधव नेपाललाई भेटेर आइतबार साँझ पार्टी एकतासहित राष्ट्रपतिका लागि प्रस्ताव गरेपछि माधव नेपालको यो प्रतिक्रिया आएको हो ।

एमाले अध्यक्ष केपी शर्मा ओलीले माधव नेपाललाई भेटेर आइतबार साँझ पार्टी एकतासहित राष्ट्रपतिका लागि प्रस्ताव गरेपछि माधव नेपालको यो प्रतिक्रिया आएको हो । यसअघि उनको चाहना राष्ट्रपतिमा रहेको थिय।

उनले मिडियामा आएका कुरामा बोल्न हतार नगर्ने बताए।

‘प्रेसमा आएका सबै कुरा सत्य नै हुन्छन् भन्ने कुरा भएन। विभिन्न पक्षले के के गर्छन्, सुनौं। अहिले नै बोल्न हतार गर्नु हुँदैन। केही कुरा पर्दाभित्र नै रहन दिनुपर्छ,’ उनले भने,‘पर्दाभित्र नै रहोस्। मूल्य–मान्यता, आदर्शलाई त्यागेर कुनै सहमति, सम्झौता सम्भव छैन।’

नेता नेपालले राष्ट्रपतिमा चाहना राख्नु फरक कुरा भएको तर त्यसबारे सोचिनसकेको जिकिर गरे। यद्यपि पावर सेयरिङमा आफूहरूले पनि भूमिका पाउनुपर्ने उनले बताएका छन्।

‘राष्ट्रपतिमा चाहना राख्ने बेग्लै कुरा हो। मैले नै के गर्ने भनेर सोचिसकेको छैन। हाम्रो पार्टीले के गर्ने भनेर सोचेको छैन,’ नेपालले भने,‘हाम्रो पार्टीको धारणा के छ भने, पावर सेयरिङमा हाम्रो पार्टीको भूमिका हुनुपर्दछ। पावर सेयरिङमा भूमिका नभएर सँधैभरि अरूको निम्ति बलिदान हुने र अरूलाई फाइदा हुन सक्दैन।’

राष्ट्रपतिका लागि दलहरूबीच रस्साकस्सी चलिरहेको बेला एकीकृत समाजवादीका अध्यक्ष नेपालको नामा पनि चर्चामा आएको छ।

प्रकाशित मिति: मंगलबार, फागुन ९, २०७९ १४:४६

प्रतिक्रिया दिनुहोस्