राष्ट्रपति निर्वाचनका लागि मतदाता नामावली प्रकाशित, यी हुन् भोट हाल्न नपाउने !

राजनीति

गृहपृष्ठ
राजनीति
राष्ट्रपति निर्वाचनका लागि मतदाता नामावली प्रकाशित, यी हुन् भोट हाल्न नपाउने !

राष्ट्रपति निर्वाचनका लागि मतदाता नामावली प्रकाशित, यी हुन् भोट हाल्न नपाउने !

बुधबार, फागुन १०, २०७९ बागेश्वरी पोस्ट

नेपालगन्ज । राष्ट्रपति निर्वाचन अधिकृतको कार्यालय नयाँ बानेश्वरले यही २५ गते हुने राष्ट्रपति निर्वाचनका लागि मतदाता नामावली सार्वजनिक गरेको छ। जसमा संघीय संसद तर्फ ३३१ सांसद र प्रदेश सभाका ५ सय ५० सांसदले मतदान गर्न पाउने छन् ।

निर्वाचन अधिकृतको कार्यालय नयाँ बानेश्वरले राष्ट्रपति निर्वाचनका लागि आज बिहान नामावली सार्वजनिक गरेको हो । मतदाता नामावली अनुसार ३ जनाले भने निर्वाचनमा मतदान गर्न पाउने छैनन् ।

नागरिक उन्मुक्ति पार्टीका संसाद अरूण चौधरी र नेपाली कांग्रेसका टेकबहादुर गुरूङ निलम्बनमा छन् । चौधरी थारूहट आन्दोलनका क्रममा आगजनी मुद्दामा जेल परेका थिए । तर, सरकारले जेलमुक्त गरेपनि उनको निलम्बित सांसद पद संसदबाट फुकुवा भएको छैन ।

त्यस्तै कांग्रेस सांसद गुरुङ भ्रष्टाचार मुद्दामा निलम्बनमा परेका छन् । यता नागरिकता प्रकरणमा रवि लामिछानेको सांसद गुमेपछि उनको पद खाली छ ।

निर्वाचन तालिका अनुसार मतदाता नामावली माथि भोेलिसम्म दाबी विरोध गर्न पाइन्छ ।

प्रकाशित मिति: बुधबार, फागुन १०, २०७९ १२:१०